«Ойуур баһаарыгар хотонун былдьаппыт фермергэ биһиги тэрилтэбит көмөлөһөн, хотон тутан биэрдэ», -- диэн Дьокуускайдааҕы көтөр фабрикатын дириэктэрэ Наталия Дягилева иһитиннэрэр.
Фабрика алта үлэһитэ балаҕан ыйын 2 күнүгэр үлэтин саҕалаабыт. Уонча күнүнэн саҥа хотон тутуллан, үлэлииргэ бэлэм буолбут.
Тутуу матырыйаалларын фермердэр биэрбиттэр. Бааһынай хаһаайыстыба баһылыгын уола Эрчим Максимов көмөлөспүт дьоҥҥо махталын тиэрдэр. Маны таһынан Көтөр фабриката олохтоох бааһынай хаһаайыстыбаҕа кууруссалары босхо биэрбит.
- 0
- 0
- 0
- 0
- 0
- 0