Издательский дом Редакция Подписка
Погода в Якутске: . -13 oC
КУРС ЦБ: $ 71,53 | 82,83

Алтынньы 9 күнүгэр Горнай улууһун Бэс Күөлүгэр ойуур баһаарыттан эмсэҕэлээбит уон түөрт ыалга саҥа дьиэ күлүүһэ итиэннэ харчынан сэртипикээттэр туттарылыннылар.

Алтынньы 9 күнүгэр Горнай улууһун Бэс Күөлүгэр ойуур баһаарыттан эмсэҕэлээбит уон түөрт ыалга саҥа дьиэ күлүүһэ итиэннэ харчынан сэртипикээттэр туттарылыннылар.

Санатан эттэххэ, балаҕан ыйын 28 уонна алтынньы 1 күннэригэр бастакы алта дьиэ үлэҕэ киллэриллибитэ. Бырабыыталыстыба Бэрэссэдээтэлин бастакы солбуйааччы, «Кэскил» түөлбэни чөлүгэр түһэрии хамыыһыйатын салайааччы Владимир Бердников мустубут дьону үөрүүлээх күнүнэн эҕэрдэлээн туран, бириэмэ төһө да ыгымын иннигэр, тутааччылар дьиэлэри хаачыстыбалаахтык, толору хааччыллыыны киллэрэн туран туталларын, уулуссалары оҥороллорун эттэ. Кэлэр нэдиэлэ бүтүүтэ хаалбыт 14 дьиэни барытын үлэҕэ киллэриэхпит диэтэ. Тутааччыларга, волонтердарга, Бэс Күөлүн олохтоохторугар, чөлүгэр түһэрэр үлэлэргэ кыттар дьоҥҥо махталын биллэрдэ. Олорор дьиэни-уоту сэргэ дьоҕус хотоннор тутуллан бүттүлэр, Алексей Петров бааһынай хаһаайыстыбатын сүөһү иитэр комплекса тутуута түмүктэнэр кирбиигэ киирэн турар. Маны таһынан атын хаһаайыстыбаннай тутуулары, хараастары чөлүгэр түһэриигэ көмө харчы тиэрдиллиэхтээх.

Дмитрий Бердников икки ый устатыгар үтүмэн үлэ ыытыллыбытын: бэрт кылгас кэм иһигэр инженернэй чинчийии, бырайыак оҥоһуллубутун, 2700 кв. м иэннээх олорор дьиэ үлэҕэ киллэриллэн эрэрин бэлиэтээтэ. Бэс Күөлүн чөлүгэр түһэрии үлэтигэр дойду Бэрэсидьиэнэ Владимир Путин, Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиилэ Юрий Трутнев улахан болҕомтолорун уураллар. Бу туһунан Ил Дархан уонна Бырабыыталыстыба пресс-сулууспата иһитиннэрэр.

Хаартыскаҕа Андрей Сорокин, ЯСИА түһэриитэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ