Үөһээ Бүлүү улууһун Балаҕаннаах нэһилиэгэ бу куонкуруска кыайан, оҕо оонньуур былаһааккатын, уу ситимин үлэҕэ киллэртээн, нэһилиэнньэҕэ сэргэхсийии таҕыста.
Улуус биэс нэһилиэгин халаан уутунан нүөлсүтэр Ороһу-Негедяк мелиоративнай систиэмэтин түмүк уута Балаҕаннаах нэһилиэгин хаба ортотунан баар хоруунан кэлэн, Бүлүү өрүскэ түһэр. Бу кэлэн ааһар уу түҥ былыргыттан баар Алаас диэн сүөһү уулуур, дьон иһэр наадатыгар туттар күөлүн халаан уутун кытары илдьэ баран хаалан, төрүкү уолан, былыргы онно эрэ хаалбыта.
Күөлү чөлүгэр түһэриигэ нэһилиэк бэйэтин бүддьүөтүттэн 500 тыһ. солк. 2018 сылга, улуус бүддьүөтүттэн биир мөлүйүөнү 2021 сылга көрөн, үлэни ыыттыбыт.
2022 сылга салгыы Алаас күөлү чөлүгэр түһэриигэ нэһилиэнньэ мунньаҕын ыҥыран, 158 киһи кыттан, нэһилиэк баһылыга С.И. Дмитриев бэрэссэдээтэллээх, М.П. Романова сэкирэтээрдээх тэрээһиҥҥэ Степан Иванович Дмитриев ППМИ куонкуруһугар киллэрэр туһунан этии оҥорбутун мунньахха кэлбит дьон 100 % өйүүллэрин биллэрдилэр.
Нэһилиэк баһылыгын солбуйаччы М.П. Романова ППМИ куонкуруһун балаһыанньатын көрөн, документациятын онорон бэлэмнииригэр сорудах бэрилиннэ.
Итиннэ куонкурус балаһыанньатынан Үп министиэристибэтиттэн 1.5 мөлүйүөн көрүллэр. Нэһилиэнньэттэн 3% -- 450000 солк., дьаһалта бүддьүөтүттэн 15% - 225 000 солк., спонсордартан 15% -- 225 000 солк. харчы хомуллар.
Бу иннигэр күөлү чөлүгэр түһэриигэ Улуус үбүлээһин көрөн, балтараа мөлүйүөннээх үлэ барбыта .
Балаҕаннаах нэһилиэгин дьаһалтата
Ахсынньы 8 күнэ, 2021 сыл .
-
0
-
0
-
0
-
0
-
0
-
0
