Бэс ыйын 11 күнүгэр диэри бу сыл иккис аҥарыгар чэпчэтиилээх сурутуу декадата ыытылла турар.
Билигин дьиэттэн тахсыбакка олорон, парламент хаһыатын судургутук сурутуохха сөп. Интэриниэт-сайтка https://www.sakhaparliament.ru/ru/podpiska компьютерынан, мобильнай төлөпүөнүнэн киирэн онлайн сурутаҕыт. Бу ньыманан сурутарга интэриниэттээх, мобильнай бааннаах буолуохтааххыт.
Онлайн сурутар туох да уустуга суох, олус чэпчэки ньыма. Аҕам саастаах дьон, сатаабат буоллаххытына, оҕолоргут уонна сиэннэргит көмөлөрүн туһаныҥ. Аҕыйах мүнүүтэ иһигэр баҕарар хаһыаккытын, сурунаалгытын сурутан биэриэхтэрин сөп. Биитэр бэйэҕит төлөпүөҥҥүтүгэр интэриниэт уонна мобильнай баан суох буоллаҕына, оҕолоргут уонна сиэннэргит аадырыскытын ыйан туран, сурутан биэриэхтэрин сөп. Оттон ыраах сытар нэһилиэккэ дьиэҕитигэр интэриниэт уонна мобильнай суох буоллаҕына, олохтоох дьаһалтаттан уонна оскуолаттан суруттарыаххытын сөп.
Ааҕааччы, хаһыаты сурутуоҥ – олох боппуруостарын чэпчэкитик быһаарсыаҥ!
«Ил Түмэн» хаһыат – сокуону билиигэ эрэллээх бэчээт таһаарыыта. Саха сирин парламенын ааспыт, бүгүҥҥү историятын сурукка тиһэр, үйэтитэр аналлаах. Хаһыат -- быыбардааччы уонна дьокутааттар икки ардыларыгар далаһа уурар, тыын суолталаах боппуруостарга санааны этинэр, этиилэри киллэрэр трибуна.
Хаһыат индексэ: ПА508 (сахалыы), П6253 (нууччалыы).
6 ыйга хаһыакка сурутуу сыаната:
Дьокуускайга уонна киин улуустарга – 1042 солк. 38 харчы;
Бүлүү бөлөх уонна хоту улуустарга – 1451 солк. 82 харчы.
Хаһыат нөҥүө санааҕытын тиэрдиҥ, этиилэргитин туруорсуҥ, олоххо киллэриҥ!
-
0
-
0
-
0
-
0
-
0
-
0
