Күнү-дьылы билгэлээччи Тарас Лукич Тарасов-Тускултан ыйыталаспыппытыгар: «Халлаан аҥаардас биһиэхэ эрэ буолбакка, Европаҕа, Азияҕа эмиэ тымныйда. Дьокуускайга  тохсунньу 25 күнүттэн арыый да намырыаҕа эрээри, түүнүн син биир тымныы буолуоҕа.  Биһигини көрө-истэ, сылааһынан хааччыйар күммүтүгэр  25-с эргиир (солнечный цикл) саҕаланна. Онон аҥаардас күн-дьыл туруга эрэ буолбакка, бу кэлэр 3 сылга бэлиитикэҕэ, экэниэмикэҕэ, олохпутугар-дьаһахпытыгар  улахан уларыйыылар буолаары  тураллар. Онно бары өттүнэн бэлэмнээх буолуохпутун наада. Бу күннэргэ өрөспүүбүлүкэ бүттүүнүн күнүн-дьылын туруга хайдах буолуохтааҕын ырыта, оҥоро олоробун. Бары билэргит буолуо,  анал биэриим саха араадьыйатыгар  оптуорунньукка уонна бээтинсэҕэ тахсар», -- диэн ойо тутан, кылгастык билиһиннэрдэ.