Дьохсоҕон нэһилиэгин баһылыга П.Е. Захаров коронавирус пандемиятын кэмигэр билиҥҥэ диэри кырдьаҕас дьоҥҥо ас-таҥас илдьэн биэрэр волонтердарга -- И.Г. Ефремовка, К.И.Габышеваҕа, Н.М.Никулинаҕа, В.В.Тарбаховкак, Э.Е.Малышевка, бэйэлэрин баҕаларынан нэһилиэнньэҕэ босхо мааска тигэн биэрбит нэһилиэк депутаттарыгар -- Н.Н. Поповаҕа, Л.А.Поповаҕа, И.С.Жараеваҕа, Нь.С.Дуракиноваҕа Махтал суруктары туттарда.
Ааспыт сыл түмүгүнэн Дьохсоҕон нэһилиэгин баһылыгын Бочуотунай грамоталарынан наҕараадаланнылар: В.И.Андросова, М.М. Максимов, М.И. Неморицина, Г.Н..Другина, Нь.И.Власов, Р.В.Иванов, В.В. Попова, Л.К. Макарова, А.Е.Попова,И.Н. Наумов, "Көмүс сүүтүк" түмсүү (салайааччы А.П.Ючюгяева), "Саһарҕа" үҥкүү бөлөҕө ( салайааччы М.Н. Дорофеева), олох-дьаһах хаһаайыстыбатын Боробуллааҕы учаастага (маастар Нь.И.Власов) уонна үүт туттарыы былаанын 235,6% толорбут I миэстэлээх Г.С.Потапова, 235,2% толорбут иккис миэстэни ылбыт Р.А.Зарипов, былаанын 214,6% толорбут үһүс миэстэҕэ тахсыбыт Л.Р. Сивцева кэтэх хаһаайыстыбалара.
"Нэһилиэк сайдыытыгар кылаатын иһин" бэлиэ -- улуус кылаабынай бырааһа Сардаана Владимировна Кононова.
"Бастыҥ дьиэ кэргэн" -- сэрии кыттылаахтарыгар, тыыл бэтэрээннэригэр мрамортан стела оҥоруутун көҕүлээбит, сүрүннээбит, оҥотторбут Николай Николаевич уонна Екатерина Матвеевна Винокуровтар дьиэ кэргэн
"Үйэлээҕи үйэтитии" -- Дьохсоҕон оскуолатын учуутала, "Кэскил" оҕо түмсүүтүн салайааччыта Татьяна Львовна Попова
"Идэтигэр бэриниилээх" -- сибээс отделениетын сэбиэдиссэйэ Александра Романовна Саввина
"Бастыҥ тыа хаһаайыстыбатын үлэһитэ" -- 75 тонна үүтү туттарбыт "Илгэ" бааһынай хаһаайыстыба салайааччыта Дария Петровна Миронова.
"Үтүө санаанан салайтаран" -- "Куорсун" айар түмсүүгэ балаҕан туппут Яков Иванович Бочонин.
"Бастыҥ эдэр ыал" -- Сардаана уонна Иннокентий Комиссаровтар
"Бастыҥ ааҕар дьиэ кэргэн" -- сиэн, ийэ, эбэ Яковлевтар
"Дойду ситимэ" -- биир дойдулаахтарыгар көмөлөһөр Д.С. Нанов
"Бастыҥ өҥөнү оҥорооччу"-- маҕаһыын сэбиэдиссэйэ Мария Егоровна Баснаева
"Идэтигэр бэриниилээх эмчит" -- биэлсэр Марианна Витальевна Попова.
Нэһилиэк баһылыга Петр Егорович Захаров хас биирдии наҕараадаланааччы ситиһиитин уус-уран хомоҕой тылынан билиһиннэрэн испитэ чиэстээһини өссө тупсарда.
Михаил Архипов, нэһилиэк депутата
- 0
- 0
- 0
- 0
- 0
- 0