Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

Билиҥҥи кэм дьоруойдарынан маҥан халааттаах аанньаларбыт буолаллар. Ону пандемия даҕаны толору итэҕэттэ.  Кинилэр дьон-сэргэ доруобуйатын туһугар дьоруойдуу үлэлэрин билиһиннэрэр, хайдахтаах курдук туруулаһан, атахпытыгар туруоралларын, үтүөрдэллэрин кэпсиир, сурукка киллэрэн үйэтитэр туһуттан айар үлэҕэ куонкурус биллэрэбит.

Билиҥҥи кэм дьоруойдарынан маҥан халааттаах аанньаларбыт буолаллар. Ону пандемия даҕаны толору итэҕэттэ.  Кинилэр дьон-сэргэ доруобуйатын туһугар дьоруойдуу үлэлэрин билиһиннэрэр, хайдахтаах курдук туруулаһан, атахпытыгар туруоралларын, үтүөрдэллэрин кэпсиир, сурукка киллэрэн үйэтитэр туһуттан айар үлэҕэ куонкурус биллэрэбит.

Эмтиир эйгэ үлэһиттэрэ – быраастар, сиэстэрэлэр, санитардар – күн аайы араас ыарыыттан дьону өрүһүйэллэр,  хамсыгы утары охсуһан, күнүстэри-түүннэри түбүгүрэллэр, үрүҥ тыыммытын уһаталлар, чэгиэн-чэбдик сылдьарбыт туһугар кыһаллаллар.Ол эрээри ардыгар сыраларын-сылбаларын ситэ сыаналаабакка хаалабыт, махтамматах түгэммит да элбэх. Онон, суруйар бөрүөҕүтүн сытыылаан, санааҕытын сааһылаан, күрэххэ кыттан, кыаххытын холонуҥ! 

Тэрийээччилэр: «Ил Түмэн» издательскай дьиэ, СӨ суруналыыстарын сойууһа.

Кыттыгас тэрийээччилэр: СӨ Судаарыстыбаннай Мунньаҕа (Ил Түмэн), Саха сирин мэдиссиинэҕэ балаатата.

Кытталлар: идэтийбит суруналыыстар уонна уопсастыбаннай кэрэспэдьиэннэр.

Ирдэбилэ: сахалыы да, нууччалыы да суруйаллара көҥүл. Сааһынан хааччах суох. Кээмэйэ - А4 киэптээх кумааҕы 4 лииһиттэн кэҥиэ суохтаах. Хаартыскалаах буолуохтаах.

Болдьоҕо: 2021 сыл ахсынньы 20 күнүгэр диэри.

Суруйар тиэмэлэргит:

- «Маҥан халааттаах аанньалбыт». Доруобуйа харыстабылын эйгэтигэр уһун кэм устата үтүө суобастаахтык үлэлии сылдьар, үлэлээбит дьон туһунан очерк, ахтыы;

- «Аһаҕастык кэпсэтиэх» (анал хайысхалаах быраастыын уонна Covid-19 ыарыыны утары охсуһа сылдьар эмчиттэрдиин интервью);

- «Чөл олоҕу көҕүлээн» (чөл олоҕу  пропагандалыыр дьон,  кулууптар, түмсүүлэр, анал аһымал аахсыйалар тустарынан  суруйуу).

Наҕараадалааһын: идэтийбит суруналыыстарга уонна уопсастыбаннай кэрэспэдьиэннэргэ тус-туспа үстүү миэстэ тахсар, өйдөбүнньүк бириистэр, дипломнар туттарыллаллар. Бары кыттыбыттарга сэртипикээт бэриллэр.

Үлэлэргитин Этот адрес электронной почты защищён от спам-ботов. У вас должен быть включен JavaScript для просмотра. диэн электроннай аадырыска күүтэбит. Билсэр төлөпүөҥҥүт:  8 (4112) 40-22-10, 8 964 417 04 67 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ