Бу хаһааҥҥыттан баар буолбут бырааһынньыгый? 90-с сылларга, таҥара үөрэҕин бобор Сэбиэскэй Сойуус эстибитин кэннэ, сибэтиэй ааттары төнүннэрии саҕаламмыта. Онуоха «Повесть о Петре и Февронии Муромских» ааҕан билэр буоланнар, бу дьон сырдык ааттарыгар от ыйын 8 күнүгэр таҥара дьиэлэригэр сулууспалар ыытыллар буолбуттара.

 2000-сылларга Муром оччотооҕу баһылыга Валентина Кочевана бу күн куораттарын төрөөбүт күнүн бэлиэтиир гына дьаһал таһаарбыта. Онтон 2006 сыллаахха муромнар «Всероссийский день супружеской любви и семейного счастья (в память благоверных князей Петра и Февронии Муромских)” диэн суругу суруйан, 20 тыһыынча киһи илии баттаан, тустаах салалталарга тиэрдибиттэрэ.  Кинилэри биир дойдулаахтара, РФ Счетнай палаататын оччотооҕу салайааччыта, судаарыстыбаннай деятель, Муром куорат Спасо-Преображенскай манастыырын сэбиэтин попечителэ Сергей Степашин улаханнык өйөөбүтэ, туруулаһан туруорсан, Госдума, Федерация Сэбиэтэ, Нуучча православнай таҥаратын дьиэтэ ылыналларын ситиспитэ.

Онон 2008 сылтан от ыйын 8 күнүгэр Арассыыйаҕа Дьиэ кэргэн, таптал уонна бэйэ-бэйэҕэ бэриниилээх буолуу күнүн киэҥ далааһыннаахтык бэлиэтииллэр.

Бу күн 25 сыл бииргэ олорбуттарга «За любовь и верность» мэтээли туттараллар, 50 сылларын кэргэнниилэри чиэстииллэр.

Дьокуускайга бүгүн куорат култуураҕа управлениета Инстаграм @upravlenie_cultury_yakutsk сирэйигэр “Семейный альбом», Ю.А. Гагарин аатынан култуура киинэ «Годы любви» (@gagarin_culturecente), М.П. Эверстова-Обутова аатынан киин (@tsentrkulturyi) “Счастье” диэн хаартыска күрэхтэрин ыыталлар.

Инстаграм @cbskhatassy страницатыгар Хатас бибилэтиэкэтэ 14.00 чаастан Бүтүн Арассыыйатааҕы “Сыл дьиэ кэргэнэ” куонкурус «Золотая семья России» номинациятын кыайыылаахтарын кытта быһа эфирдиир.  Оҕо бибилэтиэкэтэ (@cbsmoyabiblioteka) уруһуй быыстапкатын таһаарыа. Киллэм «Родник» кулууба (@club_rodnik_) «Ромашковое счастье» диэн оонньууну, Дьокуускай паарката (@park_ykt) «Семейная радуга» ырыа күрэҕин тэрийиэхтэрэ.

Онон ити бэлиэтээбит Инстаграм страницаларга киирэн, дьиэ кэргэнинэн күҥҥүтүн сэргэхтик атаарыҥ.