«Г. И. Чиряев олоҕо - эдэр көлүөнэҕэ холобур. Кини олоҕор барыта  баар этэ – сэрии, үлэҕэ сэттис көлөһүнүгэр тиийэ кыһамньы, дьиэ кэргэҥҥэ таптал уонна кыһамньы, өрөспүүбүлүкэбит уонна дойдутун дьылҕатын туһугар саамай үрдүк эппиэтинэс. Бу туруулаһыыларга дойду туһугар олоҕун биэрбитэ. Кини үлэлиир хамсааһыннара – саҥа куораттар буолаллар», - диэтэ Виктор Губарев.

Чахчы Г. И. Чиряев Саха сирин оҥорон таһаарар күүстэрин сайыннарар наадатын туһунан ССРС салалтатыгар итэҕэппитэ. Соҕуруутааҕы Саха сирин чох комплекса уонна Нерюнгри куората, Удачнай уонна Айхал бөһүөлэктэрэ, Тында- Беркакит тимир суолун тутуулара саҕаланна.

Ил Түмэн бэрэссэдээтэлин солбуйааччы Виктор Губарев этиитигэр бэлитииринэн, Гавриил Иосифович олоҕун кэмигэр Саха сирин экономикатыгар индустриализациялааһына ыытыллыбыта, элбэх бөдөҥ производственнай бырайыактары олоххо киллэриигэ үлэ тэриллибитэ, өрөспүүбүлүкэҕэ хас да төгүл промышленнай фондалара үрдээбитэ. «Гавриил Иосифович үлэҕэ мэктиэтин иһин мэлдьи үтүө холобур буолар. Дьоҥҥо сөҕүмэр сыһыанынан уратылааҕынан биллэрэ. Каадырдарга өрөспүүбүлүкэ инники кэскилэ буолаллар диэн харыстабыллаахтык сыһыаннаһара. Сүдү суолтата - киһи туһугар кыһамньыта", - диэн Ил Түмэн бэрэссэдээтэлин солбуйааччыта этиитин түмүктээтэ.

Ил Түмэн депутата Иннокентий Романов Гавриил Чиряев Саха дьонун ортотугар улахан убаастабылы ылар диир. Иннокентий Иванович этиитигэр фашистскай Германияны уонна милитаристскай Японияны Кыайыы ситиһиитигэр Гаврил Чиряев кылаатын туһунан кэккэ интэриэһинэй чахчылары аҕалла. Бу иннинэ инстаграм страницатыгар Ил Түмэн спикерэ Петр Гоголев эмиэ Гаврил Чиряев туһунан иһитиннэриилэри таһаарбыта. Судаарыстыбаннай Мунньах бэрэссэдээтэлэ Петр Гоголев: «Чиряев олоҕун суола уонна тус бэйэтин олоҕо - ханнык баҕарар Саха киһитигэр политическай уонна экономическай тутулуттан тутулуга суох хас биирдии көлүөнэҕэ дойдуга бэриниилээх буолуу холобурун бэлиэтэ. Саха сирин сайдыытыгар сүҥкэн кылааты киллэрбит тургутуулаах салайааччыбытынан биһиги киэн туттабыт". Дьокуускай к.  араас бириэмэҕэ «Бүлүү кэскилэ» диэн биир дойдулаахтарын түмсүүтэ тыыннаах сибэккилэри пааматынньыкка уурдулар. Бу күн Гаврил Чиряев пааматынньыгар Бүлүү уонна Нерюнгри куораттарынан эмиэ тыыннаах сибэкки дьөрбөтүн уурдулар.