Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Томороон тымныылаах Саха сирин кырыа кыһына ааһан, күүтүүлээх сааскы ылааҥы күннэр үүннүлэр. Бүгүн, кулун тутар 8 күнүгэр, бүтүн аан дойдуга Кэрэ аҥаардар күннэрэ бэлиэтэнэр. Бу кэрэ-бэлиэ бырааһынньык барыбытыгар сааскы күн бастакы сылаас сардаҥаларын кытта истиҥ мичээри, үлүскэн үөрүүнү бэлэхтиир, сарсыҥҥыга сырдык эрэли саҕар. 

Томороон тымныылаах Саха сирин кырыа кыһына ааһан, күүтүүлээх сааскы ылааҥы күннэр үүннүлэр. Бүгүн, кулун тутар 8 күнүгэр, бүтүн аан дойдуга Кэрэ аҥаардар күннэрэ бэлиэтэнэр. Бу кэрэ-бэлиэ бырааһынньык барыбытыгар сааскы күн бастакы сылаас сардаҥаларын кытта истиҥ мичээри, үлүскэн үөрүүнү бэлэхтиир, сарсыҥҥыга сырдык эрэли саҕар. 

Түҥ былыр саха омукка дьахтар аймах алаһа дьиэни иччилиир, араҥаччылыыр аналлааҕа. Аныгы олоххо кэрэ аҥаардар олох-дьаһах бары эйгэтигэр эргиччи ситиһиилээхтэр. Кинилэр үлэҕэ-хамнаска үрдүк таһымнаах дьыалабыай хаачыстыбаларынан барыбытыгар үтүө холобур, өрөспүүбүлүкэбит социальнай-экэнэмиичэскэй сайдыытыгар бигэ тирэх буолаллар. Онон сирдээҕи олохпут киэргэллэрин – эйэҕэс ийэлэрбитин, тапталлаах кэргэттэрбитин, амарах эдьиийдэрбитин, нарын балыстарбытын, кэрэ кыргыттарбытын – мэлдьи үөрдэ, харыстыы, бүөбэйдии сылдьыахтаахпыт.

Кэрэ аҥаардар күннэринэн Саха Өрөспүүбүлүкэтин Ил Түмэн Судаарыстыбаннай Мунньаҕын эр дьонуттан кылгас ыйытык оҥордубут. Норуот дьокутааттара сааскы маҥнайгы бырааһынньыгынан тапталлаах кэргэттэригэр тугу бэлэх ууналларын ыйытыластыбыт.

Еремеев

Алексей Еремеев, Ил Түмэн судаарыстыбаннай тутууга уонна сокуону оҥорууга сис кэмитиэтин бэрэссэдээтэлэ:

– Саха сирин күн күбэй ийэлэрин, эйэҕэс эбэлэрин, килбик кийииттэрин, сайаҕас саҥастарын, истиҥ эдьиийдэрин, маанылаах балтыларын – бука барыларын сандал саас кэлбитинэн, Аан дойду дьахталларын күнүнэн итиитик-истиҥник эҕэрдэлиибин!

Мин кэргэммэр роза сибэкки бэлэхтиибин. Саҥа ыал буолаары сылдьан, кини 25 сааһыгар 25 роза бэлэхтээбитим. Аан бастакы сибэкки дьөрбөтүн ийэбэр бэлэх оҥорбутум. 1982 сыллаахха тюльпан дьөрбөтүн утары уунан үөрдүбүтүм.

Андрей Находкин

Андрей Находкин, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ:

– Бастатан туран, бука бары кэрэ аҥаардары Аан дойду дьахталларын күнүнэн ис сүрэхпиттэн итиитик-истиҥник эҕэрдэлиибин!

Кэргэним Федора Григорьевна роза сибэкки дьөрбөтүн бэлэхтээтэхпинэ олус үөрэр. Кини төрөөбүт күнэ эмиэ кулун тутарга сөп түбэһэр. Онон икки төгүллээн истиҥ эҕэрдэни тутар.

Мин кэргэмминиин 1990-с сылларга нэһилиэккэ учууталлыы сылдьан билсибитим. Оччолорго сибэкки дьөрбөтүн куораттыыр киһинэн сакаастаһан-сакаастаһан ылларар этим. Ол курдук, сибэкким ыраах айан кэннэ кумаламмакка, алдьаммакка кэллэҕинэ, улахан үөрүү буолара. Ол гынан баран, хара маҥнайгыттан, төрөөбүт күнүгэр уонна дьахтар күнүгэр ис сүрэхпиттэн сибэкки дьөрбөтүн бэлэхтиир үтүө үгэстэммитим. Ол үтүө үгэспин күн бүгүнүгэр диэри кэспэппин.

Оттон бэлэх диэн булгуччулаах. Ол туһунан эрдэттэн этэр сатаммат. Онон этиллибэккэ, кистэлэҥ буолан хааллын.

Тус бэйэм санаабар, таптыыр күндү киһигэр сибэкки дьөрбөтүн бэлэх уунан – кинини сибэккигэ тэҥниигин, киниэхэ ис сүрэххиттэн кыһалларгын, муҥура суох таптыыргын көрдөрөҕүн. Оттон кини эн истиҥ сыһыаҥҥыттан дьоллонор, күүһүгэр күүс эбиллэр.

Гуляев МД1 1

Михаил Гуляев, Ил Түмэн ыччакка, физическай култуураҕа уонна спортка сис кэмитиэтин бэрэссэдээтэлэ:

– Сандал сааскы бырааһынньыгынан Сахам сирин кэрэ аҥаардарыгар барыларыгар ис сүрэхтэн тахсар истиҥ эҕэрдэбин тиэрдэбин!

WhatsApp Image 2021 03 08 at 10.53.29

Кэргэммин Анна Николаевнаны бу күн 1975 сыллаахха Аан дойду дьахталларын күнүнэн аан бастакыбын эҕэрдэлээбитим. Оччолорго сибэкки көстөрө уустук этэ.

Холбукаҕа суруйан баран, толору сакалаат куппутум. Онтон үөрбүтүн күн бүгүнүгэр диэри субу баардыы өйдүүбүн.

Оттон бүгүҥҥү үөрүүлээх күҥҥэ дьиэҕэ үүнэр роза уонна духуу бэлэхтиэҕим.

Михаил Эверстов

Михаил Эверстов, норуот дьокутаата, Ил Түмэҥҥэ “Сиэрдээх Арассыыйа” бэлитиичэскэй баартыйа фракциятын салайааччытын солбуйааччы:

– Үрдүкү Айыылартан көмүскэ тэҥнээх бэлэх курдук бэриллибит кэрэ аҥаардарбытын Аан дойдутааҕы дьахталлар күннэринэн истиҥник эҕэрдэлиибин!

Мин кэргэммэр бу сааскы кэрэ-бэлиэ бырааһынньыкка сибэкки дьөрбүтүн бэлэхтиибин. Онуоха хайаан даҕаны маҥан розаны бэлэх уунабын. Маҥан роза ырааһы, сырдыгы, кэрэни кэрэһэлиир, санатар. Мин кинилиин 17 сааһыгар билсибитим. Онтон ыла таптыыр күндү чугас киһибэр санаам кэллим даҕаны сибэкки бэлэхтиир үтүө үгэстээхпин. Туох эрэ бэлиэ күнтэн тутулуга суох мэлдьи үөрдэ сылдьарбын сөбүлүүбүн.

Гаврил Алексеев

Гаврил Алексеев, норуот дьокутаата:

– Кулун тутар 8 күнэ – тапталы, ыра санааны, кэрэҕэ дьулуһууну, айылҕа уһуктуутун кытта быстыспат ситимнээх сандал саас бырааһынньыга. Бу күн эр дьон бары амарах сүрэхтээх, эйэҕэс чугас дьоммутугар – ийэлэрбитигэр, эбэлэрбитигэр, эдьиийдэрбитигэр, балыстарбытыгар, кыргыттарбытыгар истиҥ махталбытын уонна эҕэрдэбитин этэбит.

Мин кэргэммин Аюна Егоровнаны кытары аан бастаан Санкт-Петербург куоракка үөрэнэ сылдьан билсибитим. Уопсайга олорон киниэхэ тапталбын кэрэһэлиир кыһыл роза сибэкки дьөрбөтүн бэлэхтээбитим.

Кэргэним айылҕаттан олус симик, үтүө майгылаах киһи. Кини хаһан да тугу да бэйэтэ көрдүү сылдьыбат. Улахан сибэкки дьөрбөтүн бэлэх аҕаллахпына, ардыгар, “сибэкки туһата суох” диэн кыыһырыах да курдук буолан ылааччы. Онон клубникаттан оҥоһуллубут "сибэкки дьөрбөтүн" бэлэх оҥоробун. Маннык бэлэх ураты көстүүлээх, сибэкки дьөрбөтүн курдук суолталаах уонна минньигэс.

Павел ксенофонтов

Павел Ксенофонтов, норуот дьокутаата:

– Саха сирин кэрэ аҥаардарын сандал саас салаллан кэлбитин туоһулуур кэрэ бырааһынньыгынан – Аан дойду дьахталларын күнүнэн ис сүрэхпиттэн эҕэрдэлиибин!

Мин бэлиэ күнтэн тутулуга суох тапталлаах кэргэммэр мэлдьи сибэкки дьөрбөтүн бэлэхтиир үтүө үгэстээхпин. Онон кулун тутарга сибэккини бэлэхтээбэппин. Ол оннугар үрүҥ көмүс оҥоһугу бэлэх биэрэ сатыыбын. Бүгүн эмиэ үрүҥ көмүһү бэлэх уунуом.

Руслан Федотов

Руслан Федотов, норуот дьокутаата:

– Ытыктабыллаах дьоһун-мааны Далбар хотуттар, кэрэ куолар!

Эһигини бука барыгытын чаҕылхай күннээх сандал саас бырааһынньыгынан – Аан дойду дьахталларын күнүнэн итиитик-истиҥник эҕэрдэлиибин!

Үлэ-үөрэх ситиһиитэ, чугас дьоҥҥут этэҥҥэ буолуута эһигини күннэтэ үөрдэ турдун, санааҕыт барыта сатанан, туппуккут тупсан, уҕараабат уйгулаах, чөл олохтоох буолуҥ!

Мэлдьи чэгиэн туруктаах, үөрэ-көтө, айа-тута сылдьан Сахабыт сирин аатта туруҥ, дьоллоох буолуҥ!

Айыллыбыт аналгытынан, кэрэ бэйэҕитинэн тулалыыр эйгэни күннэтэ тупсара туруҥ!

Баҕарабын эһиэхэ өрүү эйэлээх халлааны, үрүҥ күн сыдьаайыҥ!

  • 0
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Дьэ уолаттар👍🏻👍🏻👍🏻

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением