РФ Ис дьыалатын министиэристибэтин иһинэн «внутренние войска» диэн баара. Ол структураны уларытан, 2016 с. муус устар 5 күнүгэр “Федеральная служба войск национальной гвардии РФ», ол эбэтэр Росгвардияны тэрийбиттэрэ. Манна ИДьМ иһинэн сылдьыбыт СОБР (специальные отряды быстрого реагирования), ОМОН (отряд мобильный особого назначения), ВВ (внутренние войска), АОСН (авиационный отряд быстрого реагирования), ЛРР (подразделения лицензионно-разрешительной работы), ВО (подразделения вневедомственной охраны) киирбиттэрэ.
Росгвардия сүрүн сыала-соруга: уопсастыбаҕа бэрээдэги көрүү, куттала суох буолууну хааччыйыы, терроризмы уонна экстремизмы утары үлэни ыытыы, саа эргиирин, көҥүлүн хонтуруоллааһын, судаарыстыбаннай суолталаах улахан эбийиэктэри харабыллааһын. «Вневедомственная охрана» салаа үлэһиттэрэ күннэтэ массыынанан патрульга тахсаллар. Харабыллыыр эбийиэктэриттэн суһал сигнал кэлэр түгэнигэр, тутатына онно тиийэллэр. Росгвардиялар маассабай тэрээһиннэргэ ИДьМ үлэһиттэрин кытта тэҥҥэ бэрээдэги көрөллөр.
Саха сиригэр Росгвардия үлэһиттэрэ хас улуус аайы бааллар. Барыта 1000-тан тахсалар. «Сотрудниктар» (полицейскайдар) уонна «байыаннайдар» (военнослужащие по контракту и офицеры) диэн арахсаллар. Аармыйаҕа сулууспалаабыт уолаттары дуогабарынан араас салааҕа үлэҕэ ылаллар. Кинилэр, судургутук эттэххэ, «контрактниктар» диэн буолаллар.
Ону таһынан анал үөрэхтээх үлэһиккэ олус наадыйаллар. Ол иһин бэйэлэрин кыанар эдэр ыччаты үөрэххэ ыҥыраллар.
Росгвардия 4 байыаннай институттаах:
1. Саратовский военный ордена Жукова Краснознаменный институт войск национальной гвардии РФ. Специальность — «Правовое обеспечение национальной безопасности».
2. Новосибирский военный институт войск национальной гвардии РФ им генерала армии И.К. Яковлева. Специальность — «Правовое обеспечение национальной безопасности», «Перевод и переводоведение» (лингвист-переводчик)
3. Санкт-Петербургский военный институт войск национальной гвардии РФ. Специальность — «Правовое обеспечение национальной безопасности» (военный юрист), «Психология служебной деятельности» (психолог);
4. Пермский военный институт войск национальной гвардии РФ. «Техническое обеспечение» (транспортные средства СпН), «Артиллерийское вооружение» (спец. стрелково-пушечное, артиллерийское и ракетное оружие), «Связь» (спец. применение и эксплуатация автоматизированных систем СпН), «Кинологический», «Тыл» (спец. тыловое обеспечение), «Инженерное обеспечение» (спец. специальные радиотехнические системы; наземные транспортно-технологические средства).
Байыаннай үөрэххэ уолаттары эрэ ылаллар. XI кылааһы бүтэрээччилэр, орто анал идэлээхтэр уонна аармыйаттан кэлбиттэр холонон көрүөхтэрин сөп. История, обществознание, нуучча тылын биридимиэттэригэр ЕГЭ туттарбыт буолуохтаахтар. Өйдөөҥ: үрдүк баалы ирдээбэттэр, кылаабынайа, алын кэрдииһи (минимальный порог) ааһыахтааххыт.
Оройуоҥҥут военкоматыгар тиийэн этэҕит: “Байыаннай үөрэххэ барабын”, — диэн. Оччоҕо кинилэр ыйан-кэрдэн биэриэхтэрэ. ИДЬМ-тэн, ФСБ-тан ыспыраапка ылаҕыт. Кулун тутарга профессиональнай-психологическай бэрэбиэркэни, ол кэнниттэн муус устарга, бука бары биир кэмҥэ Дьокуускайга мустан, быраастарга доруобуйаҕыт туругун көрдөрөн, быраас-байыаннай хамыыһыйаны (ВВК) ааһаҕыт. Ол түмүккүт барыта биир докумуоҥҥа тиһиллэн, ыам ыйын 20 күнүгэр диэри институккутугар тиксэриллиэхтээх.
Сүүмэрдээһин от ыйын 1 күнүттэн 23-гэр диэри буолааччы. Биир кууруска ортотунан 250 миэстэ. Онно 600-700 киһи күрэстэһээччи. Антах эмиэ ВВК-ны, “профпригодность” хаттаан ааһаҕыт. 1000 боппуруостаах психологическай тест толороҕут.
Эт-хаан өттүнэн сайдыыгытын тургутуу сыанабыла: 100 м сүүрүү (13,6 сөк. — “5”, 14,2 сөк. — “4”, 14,8 сөк. — “3”), тардыныы ( 11 -- “5”, 9 -- “4”, 7 -- “3”), үс килэмиэтиргэ сүүрүү (12 мүн. — “5”, 12 мүн. 45 сөк. — “4”, 13 мүн. 30 сөк. — “3”).
Этэҥҥэ ааһан хааллаххытына, устунан үөрэнэ хаалаҕыт. Бастакы кууруһу бүтэрдэххитинэ биирдэ дьиэҕитигэр кэлэҕит. Онтон быраҕан кэбистэххитинэ, үөрэммит сылларгыт ороскуотун төлүүгүт.
Бастакы кууруска истипиэндьийэ 3500 солк. эбит буоллаҕына, иккистэн ыла хантараак түһэрсэҕин уонна бүтэриэххэр диэри ый аайы 14-21 тыһыынчаны ылар буолаҕын. Аармыйаттан босхолоноҕун. Үөрэххэ киирбит күҥҥүттэн ыла үлэҥ сыла (стаж) ааҕыллан барар. Офицерскай званиелаах — лейтенант — буолан бүтэрэҕин. Үлэ көрдүү сатаабаккын, тута эйигин ханнык эмэ чааска аныыллар. Хайаан да оннук 5 сыл сулууспалыахтааххын.
Биэнсийэҕэ 20 сылынан тахсаҕын. Ол үөрэммит сылларгыттан ааҕыллар. Онон 15 сыл үлэлиэхтээххин. Байыаннай үрдүк үөрэхтээҕин дуоһунаһыҥ түргэнник үрдүүрүгэр сабыдыаллыыр. Хамнаһа да кырата суох, орто кээмэйтэн үрдүк.
-
0
-
0
-
0
-
0
-
0
-
0
