Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Түмэн Бэрэссэдээтэлин бастакы солбуйааччы, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ Александр Николаевич Жирков Олоҥхо ыһыаҕын үөрүүлээх аһыллыытыгар эҕэрдэтэ.

Ил Түмэн Бэрэссэдээтэлин бастакы солбуйааччы, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ Александр Николаевич Жирков Олоҥхо ыһыаҕын үөрүүлээх аһыллыытыгар эҕэрдэтэ.

Аялды Бискэ эвенкил тэгэлтын!

Ытык-мааны Өлүөхүмэ дьоно-сэргэтэ! Эһигини өр күүтүүлээх Олоҥхо Ыһыаҕа кырдьаҕас Өлүөхүмэ сиригэр саҕаламмытынан истиҥник эҕэрдэлиибин!

Өлүөхүмэ ыһыаҕар бүгүн илгэлээх ардах алгыс курдук түһэн ааста. Мин саныахпар, бу өр кэмҥэ Өлүөхүмэ сиригэр-уотугар өҥүрүк куйаастар сатыылаабыттарын Үрдүк Айыылар өйдүү көрөн, эбэтэр кинилэр бэҕэһээ күнтэн ыла биһиги тойуксуттарбыт манна мустан үрдүк халлаантан үтүө көрдөһүүлэрин саҕалаабыт ытык-мааны тылларын истэн, Өлүөхүмэ сиригэр инникитин даҕаны уйгу-быйаҥ баар буоллун диэн, инникитин даҕаны кэскил, сайдыы буола турдун диэн илгэлээх ардах биһиги ыһыахпытыгар алгыс курдук кэлбитэ – биһиги бүгүҥҥү күммүтүн, биһиги ыһыахпытын түҥ өбүгэлэрбитин кытта, үйэлэргэ илдьэ кэлбит үгэстэрбитин кытта ситимниир.

Бүгүн Өлүөхүмэ сиригэр-уотугар ыһыах күнэ. Биһиги бука бары ыраахтан-чугастан ыҥырыллан, бастыҥ-мааны таҥаспытын таҥнан-симэнэн, үөрэн-көтөн Өлүөхүмэ сиригэр муһуннубут. Олоҥхо Ыһыаҕын сүрүн ис хоһооно сүрдээх судургу. Бүгүҥҥү күҥҥэ биһиги аал уоту оттон, кэҥсик таһааран, ол буруо үрдүк мэҥэ халлааҥҥа өрө унааран тахсан, атын ханнык даҕаны сыкка-буруоҕа булкуспакка, бу биһиэнэ бэйэбит киэнэ диэн Үрдүк Айыыларбытыгар тиийэн, кинилэр биһиэхэ бэйэлэрин алгыстарын ыытан, ол алгыстарын ыларбытыгар ананар бу ыһыах. Төһөнөн бүгүн биһиги буруобут үрдүккэ унаарар, төһөнөн кини сыта-сымара тупсар – оччонон кини өндөл халлааҥҥа ордук үөһэ унааран тахсан, Үрдүк Айыылар кэҥэриилэрин кычыгылатан, ол диэтэх дьон үөһэттэн аллара өҥөйөн, оҕолоро-ыччаттара Аанньаах хочотугар үөрэ-көтө, үөһээ айыылары алгыы-ааттыы сылдьалларын көрөн, онтон көнньүөрэн, санаалара кэлэн сир-ийэҕэ уйгуну-быйаҥы ыытан, биһиэхэ алгыс тылын түһэриэхтээхтэр. Онон дьэ бука бары эйэлээх-иллээх, дьоллоох-соргулаах, үтүө кэмнэри тускулуур Олоҥхо Ыһыаҕын Өлүөхүмэ сиригэр олохсутуоххайыҥ.

Сахабыт сиригэр, саха дьонугар-сэргэтигэр, саха норуотугар бука барыбытыгар уйгулаах ыһыахха уруй-айхал, айхал-мичил буоллун, дьоллоох-соргулаах буолуҥ, этэҥҥэ олоруҥ, ыалдьымаҥ-сүтүмэҥ, төрөтөр оҕоҕут төлкөлөннүн, иитэр сүөһүгүт иччилэннин, эһиги иннигит анаабыт курдук алгыстаах, кэскиллээх эрэ буоллун. Олоҥхо Ыһыаҕар уруй-айхал буоллун! Айхал-мичил буоллун!

Жирков3

Жирков4

Жирков2 2

жирков5

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением