Саха сирин Идэлээх сойуустарын федерациятын пресс-сулууспата иһитиннэрбитинэн, Интернет социальнай ситимнэрин нөҥүө быйыл үлэ кэлэктииптэрин ортолоругар өрөспүүбүлүкэтээҕи интерактивнай күрэх биллэриллибитэ. Күөх маайдааҕы акция үлэ кэлэктииптэрин ортолоругар “Эйэ.Үлэ.Маай” диэн ыҥырыылаах видеороликтары устууга ананан ыытылынна. Күрэх сыала – көрдөрөр-иһитиннэрэр сириэстибэлэри туһанан үлэһит киһи сырдык уобараһын оҥоруу, үлэһиттэргэ дойдуга бэриниилээх буолуу суолтатын үрдэтии, үлэ коллективтарын түмүү, кинилэр ортолоругар идэлээх сойуустар хамсааһыннарын киэҥник тарҕатыы, Саха Өрөспүүбүлүкэтин олохтоохторугар үлэҕэ сыһыаны тупсарыыга болҕомтону тардыы. Бириистээх миэстэлэринэн наҕараадалар – 1-кы миэстэ – 30 тыһ. солк., 2-с миэстэ – 20 тыһ. солк., 3-с миэстэ – 10 тыһ. солк. Тэрийээччи иһитиннэриитинэн, күрэххэ барыта 80 кэриҥэ үлэ киирбит, кыайыылаахтар ыам ыйын 1 күнүгэр биллиэхтэрэ уонна кыттааччылар видеоустууларын @sakhaprofИнстаграм сирэйигэр таһааран, виртуальнай сэлэлии хаамыыны тэнитэн тэрийиэхтэрэ. Федерация иккис куонкуруһунан «Дойдум туһунан ыллыыбын» («Пою о Родине моей») үлэ кэлэктииптэрин ортолоругар өрөспүүбүлүкэтээҕи вокальнай дистанционнай күрэҕи тэрийэн ыытта. Күрэххэ 20-тэн тахса үлэ киирэн @sakhaprof сирэйигэр тахсыахтара.
Маны таһынан Саха сирин идэлээх сойуустарын Федерацията @sakhaprof Инстаграм сирэйигэр биир хэштегынан -- #первомайякутия2020 маассабай акцияны -- "челлендж" биллэрдилэр. Бырааһынньыкка кыттыһарга тэрийээччилэр хаартысканан уонна видеоустуунан Саас уонна Үлэ күнүнэн эҕэрдэлэри Инстаграм социальнай ситимҥэ #первомайякутия2020 #профсоюзыякутии бэлиэтээн таһаараргытыгар ыҥыраллар.
Бырааһынньыктааҕы үөрүү майгытын онлайн тэрийиэххэ! #СОЛИДАРНОСТЬсильнеезаразы! #профсоюзыякутии #первомайякутия2020
- 0
- 0
- 0
- 0
- 0
- 0