Издательский дом Редакция Подписка
Погода в Якутске: . -13 oC
КУРС ЦБ: $ 71,53 | 82,83

Күндү үөрэнээччилэр уонна устудьуоннарЫтыктабыллаах учууталлар! Саха Өрөспүүбүлүкэтин Ил Түмэнин уонна тус бэйэм ааппыттан эһигини Билии күнүнэн уонна саҥа үөрэх дьыла саҕаламмытынан ис сүрэхпиттэн эҕэрдэлиибин!

Күндү үөрэнээччилэр уонна устудьуоннарЫтыктабыллаах учууталлар! Саха Өрөспүүбүлүкэтин Ил Түмэнин уонна тус бэйэм ааппыттан эһигини Билии күнүнэн уонна саҥа үөрэх дьыла саҕаламмытынан ис сүрэхпиттэн эҕэрдэлиибин!

Аныгы технология, Интэриниэт көмөтүнэн үгүһү билэр кыах тэтимнээхтик уонна балысханнык сайда турдар даҕаны, оскуолаҕа эрэ оҕо личность быһыытынан үүнэр-сайдар кыахтаах, үөрэх кыһатыгар эрэ барыга бастыҥ көхтөөх көлүөнэ иитиллэн тахсар аналлаах.

Арассыыйа Федерациятын саҥа Конституциятыгар уонна Саха Өрөспүүбүлүкэтин Төрүт Сокуонугар “оҕо аймах дойдубут судаарыстыбаннай бэлиитикэтин биир сүрүн хайысхата буолар” диэн этиллэн турар. Арассыыйа Федерациятын норуоттарын майгы-сигили, өй-санаа өттүнэн сыаннастарыгар, омук бэйэтин историятыгар уонна култууратыгар, үтүө үгэстэригэр тирэҕирэн, бары өттүнэн сайдыылаах уонна толору эппиэтинэстээх киһини иитии --  биһиги сүрүн сорукпут.

Быйыл М.К. Аммосов аатынан Саха судаарыстыбаннай университета, билигин Хотугулуу-Илиҥҥи федеральнай университет, тэриллибитэ 65 сыла. Бу үөрэх кыһата өрөспүүбүлүкэбит сайдарыгар үтүмэн кылаатын киллэрэр. Дойду үрдүнэн биллэриллибит Наука уонна технология сыла үгүс талааннаах устудьуон чинчийэр үлэҕэ холоноругар кыаҕы биэрэригэр, Саха сиригэр орто уонна үрдүк үөрэх салгыы сайдарыгар күүс-көмө буолуоҕар бигэ эрэллээхпин.

Күндү үөрэнээччилэр, устудьуоннар уонна убаастабыллаах учууталлар! Эһигини үөрэх саҥа дьыла саҕаламмытынан итиитик-истиҥник эҕэрдэлиибин! Саҥаттан саҥа ситиһиилэри, кытаанах доруобуйаны, дьолу- соргуну баҕарабын!

 

Саха Өрөспүүбүлүкэтин Ил Түмэнин бэрэссэдээтэлэ

Алексей Еремеев.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ