Санатар буоллахха, «Биир Ньыгыл Россия» партия «Кыайыы күнэ араас омук тылынан» акцияны тэрийэн ыытар. Партия чилиэннэрэ аатырбыт «День победы» ырыаны араас омук тылынан ыллаан патриотическай акцияҕа көхтөөх кыттыыны ыларгытыгар ыҥыраллар. Улуу Кыайыы 75 сылын көрсө уонна «Кыайыы күнэ араас омук тылынан» бырайыак чэрчитинэн аан маҥнайгытын бу ырыа 100 омук тылыгар тылбаастанна. Бырайыак көҕүлээччитэ - «Биир Ньыгыл Россия» партиятын «Наша Победа» тэрийэр хамыыһыйата. Бу күнтэн ыла дьон-сэргэ ортотугар биллэр уонна аатырар ырыаны араас көлүөнэлэр сахалыы тылынан ыллыыр буолаллара үөрүүлээх.
«Төрөөбүт тылынан тылбаастанан ырыа сүрүн өйүн-санаатын, иэйиитин биэриэхтээх диэн бигэ эрэллээхпин. Саамай кыһалҕата манна сытар. Ырыа тылларын тылбаастаан ис хоһоонун, санаатын чуолкайдык биэрэргэ уустук дьыала», - диэн кэпсиир Афанасий Гуринов-Арчылаана, суруйааччы, суруналыыс, литературнай сурунаал кылаабынай редактора. Кини салгыы кэпсииринэн, филологическай наука доктора Варвара Окороковалыын уонна тылбаасчыт, суруйааччы Валентина Комиссарова- Күлүмнүүрдүүн хас биирдии тылы кичэйэн ырытан, сиһилии толкуйдаабыттар, ону сэргэ композитор Кирилл Герасимов уонна артыыс Алексей Егоров-Өркөн көмөлөспүттэр.
«Эрэнэбин, аатырбыт ырыа тылбааһа сатанна. Сахабыт сирин дьоно хайдах ылыналларын бириэмэ көрдөрүөҕэ», – диэн Афанасий Гуринов-Арчылаана санаатын үллэстэр
КЫАЙЫЫ КҮНЭ!
Афанасий Гуринов–Арчылан тылбааһа
Кыайыы күнүн кыыма бэрт симик этэ ‒
Уоһар чох кылаҥ гынарын кэриэтэ...
Уоттаах суоллар күдэннэрин бурҕатан ‒
Бу күн дьолун чугаһата сатыырбыт.
Хос ырыата:
Дьэ, бу Кыайыы күнүн аҥкыла ‒ буораах!
Күндү күммүт күрэҥсийбит чанчыктаах.
Бу үөрүүбүт харах уута былаастаах.
Кыайыы күнэ!
Кыайыы күнэ!
Кыайыы күнэ!
Күнүн-түүнүн, кыһа уотун кыымырда,
Ийэ дойду, саатар, нуктаан ылбата...
Күнүн-түүнүн кыргыһыыга киирэммит ‒
Бу күн дьолун чугаһата сатыырбыт.
Хос ырыата:
Дьэ, бу Кыайыы күнүн аҥкыла ‒ буораах!
Күндү күммүт күрэҥсийбит чанчыктаах.
Бу үөрүүбүт харах уута былаастаах.
Кыайыы күнэ!
Кыайыы күнэ!
Кыайыы күнэ!
Кэллим, ийээ, оттон сорох төннүбэт...
Сүүрүүм дуу атах сыгынньах, сиик кэһэн...
Тэгил сири, дойдулары арҕаран ‒
Бу күн дьолун чугаһата сатыырбыт.
Хос ырыата:
Дьэ, бу Кыайыы күнүн аҥкыла ‒ буораах!
Күндү күммүт күрэҥсийбит чанчыктаах.
Бу үөрүүбүт харах уута былаастаах.
Кыайыы күнэ!
Кыайыы күнэ!
Кыайыы күнэ!
Ырыаны толордулар :
Алексей Егоров-Өркөн, Мирослав Егоров, Степан Саргыдаев, Саргылана Неустроева, Мария Баина, Егор Евдокимов, Сергей Максимов, Сардана Бочкарева, Нина Захарова, Акулина и Александр Луценко, Дмитрий Кырдал, Дмитрий Никифоров - Келлер, Пётр Гуляев.
-
0
-
0
-
0
-
0
-
0
-
0
