Санатар буоллахха, балыктааһын маннык сирдэргэ хааччахтанар:
— оборона уонна куттал суох буолуутун сирдэригэр;
— аквакультураны (уу харамайдарын) үөскэтиигэ анаммыт учаастактарга;
— айылҕа ураты харыстанар сирдэригэр.
2020 cыллаахха бүтүн Арассыыйа үрдүнэн бэйэ наадыйыытыгар (любительскай) балыктааһын туһунан сокуон ылыммыта. Бу сокуонунан илим үгүс региоҥҥа бобуллубута. Ол эрээри Илин-Сибиирдээҕи балык хаһаайыстыбатыгар туспа саҥа быраабылалар киирэн биэрдилэр.
Ол курдук, Саха өрөспүүбүлүкэтигэр бары муниципалитеттарга балыктааһын “сууккатааҕы нуормата” диэн өйдөбүлү тутуһан туран, 177 өрүс уонна 365 күөл учаастагар илиминэн хатыыстан ураты атын балыгы туттарар көҥүллэннэ.
Онуоха хас биирдии илим тустаах маркировканы ылыахтаах уонна регистрацияланыахтаах. Илими Дьокуускай куорат Каландарашвили уулуссатын 5№-дээх дьиэтигэр Росрыболовство Илин-Сибиирдээҕи управлениетыгар тиийэн учуокка туруоруохха сөп.
Бу уларытыылар олоххо киирэллэрин туһугар өрөспүүбүлүкэ үгүс үлэни ыыппыта. Саха сиригэр "любительскай" диэн тиэрмин барсыбат курдук. Үгүс өттүгэр, дьон-сэргэ айаҕын ииттинээри балыктыыр, итиэннэ бу норуот төрүт үгэһэ буолар. Итиэннэ балыктааһын диэн ураты эйгэ буолаҕа. Балык хаптарбыт киһи үөрүүтүн киһи туохха да кэмнээбэт. Үлүскэннээх, өрөгөйдөөх. Ол да буоллар бэйэ бодотун тардынар, иҥсэни кыанар диэн баар буолуохтаах. Онон сиэрдээх балыктааһын өйдөбүлүн сокуона да суох искэр илдьэ сылдьыахтааххын.
-
0
-
0
-
0
-
0
-
0
-
0
