Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Ханнык баҕарар хаһыаты сөбүлээн ааҕар ыалга эргэ хаһыаттар мунньуллан, харахха быраҕыллыбат бүөм муннукка чөмөхтөнөн сытар буолаллар. Ону үксүн оһохтоох дьон уот оттоллоругар саһаҕа гыналлар. Онон, этэргэ дылы, кумааҕы хаһыат барахсан сүрдээх кылгас үйэлээх.

Ханнык баҕарар хаһыаты сөбүлээн ааҕар ыалга эргэ хаһыаттар мунньуллан, харахха быраҕыллыбат бүөм муннукка чөмөхтөнөн сытар буолаллар. Ону үксүн оһохтоох дьон уот оттоллоругар саһаҕа гыналлар. Онон, этэргэ дылы, кумааҕы хаһыат барахсан сүрдээх кылгас үйэлээх.

Ону баара, дьоҕурдаах дьон эргэ хаһыат курдук олус кэбирэх матырыйаалы эмиэ туһаҕа таһаараллар эбит. Ол курдук, дьиэҕэ-уокка сыһыаннаах араас сиэдэрэй, ураты хатыламмат оҥоһуктары, киэргэллэри оҥороллор. Бүгүн ааҕааччыларбытыгар эргэ хаһыаты хайдах туһаҕа таһаарар туһунан сэһэргиэхпит.

1 копия

Хаһыат истигэн матырыйаал

Хаһыат матырыйаал быһыытынан киһи доруобуйатыгар олох куттала суох. Холобур, хаһыакка илиитин-атаҕын быһан дуу эбэтэр кыбытан дуу улаханнык эчэйбит киһи баара биллибэт. Бу сымнаҕас, чэпчэки ыйааһыннаах, хайдах баҕарар имиллэр, хайдах баҕарар быһыыны ылар, куһаҕан сыта-сымара суох судургу уонна истигэн матырыйаал. Онон хаһыаты кытта үлэҕэ оҕолору эмиэ кыттыһыннарыахха сөп. Оҕо айар-тутар үлэҕэ толкуйдуур уонна ойуулаан көрөр дьоҕура сайдар, боччумнаах уонна дьаныардаах буоларга үөрэнэр.

Podelki iz gazetnyih trubochek 25 копия

Бүгүҥҥү муода

Дьиҥинэн, кумааҕы хаһыаты араас ньымаларынан, албастарынан туһаҕа таһаараллар. Ол гынан баран, күн бүгүн эриллибит хаһыат лииһинэн оҥоһуктары оҥоруу муодаҕа кубулуйда.

Сонуна сойбут лиистэри ылаллар уонна синньигэс гына төкүнүтэ эрийэллэр. Бэлэм буолбут соҕотуопкалары бэйэ-бэйэлэригэр хардарыта кыбыта анньаллар, эрийэллэр эбэтэр сыһыараллар. Итинник араас албастарынан сиэдэрэй оҥоһуктары айан таһаараллар.

Podelki iz gazetnyih trubochek 72 копия

Туохтан саҕалыылларый?

Бастатан туран, соҕотуопкалары оҥороллор. Этиллибитин курдук, лиистэри синньигэс гына төкүнүтэ эрийэллэр. Соҕотуопка элбэх буолуон наада. Уопуттаах маастардар хаһыаты эрийэллэригэр спицаны туһаналлар. Оччоҕо биир кээмэйдээх соҕотуопкалар тахсаллар.

Ханнык баҕарар оҥоһугу түгэҕиттэн саҕалыыллар. Түгэҕин оҥорон баран, сыыйа үрдэтэн иһэллэр. Ардыгар халыыптары туһаналлар. Ол халыып таһынан соҕотуопкалары бэйэ-бэйэлэригэр холбоон сөптөөх быһыылаах-таһаалаах оҥоһугу баайан таһаараллар. Баайа үөрүйэх дьахталлар ойуулары көрөн бириинсибин түргэнник өйдүөхтэрэ диэн эрэнэбит.

Сороҕор соҕотуопкалары өҥнөөх кырааскаларынан сотоллор. Оччоҕо дьэрэкээн өҥнөөх оҥоһуктар буолан тахсаллар. Ол эрээри оҥоһугу силигин ситэрэн баран, эмиэ кырааскалыахха сөп. Оҥоһук бэлэм буолбутун кэннэ үйэлээх буоллун диэн лааҕынан сотоллор.

Ааҕааччыларбыт иллэҥ кэмҥитигэр манна тахсыбыт ойуулары көрөн, оҥоһугу оҥоруу бириинсиптэрин үөрэтэн, бэйэҕит дьиэҕитигэр-уоккутугар сиэдэрэй оҥоһук­тары үтүгүннэрэн оҥоруоххутун сөп.

Бу ойуулары көрөн оҥоһуктары оҥоруу бириинсибигэр, ньыматыгар, албастарыгар үөрэниэххэ сөп

Podelki iz gazetnyih trubochek 19 копияОноьуктары оноруу бириинсибин кердерер хаартыскалар 1 копияОноьуктары оноруу бириинсибин кердерер хаартыскалар 2 копияОноьуктары оноруу бириинсибин кердерер хаартыскалар 3 копияОноьуктары оноруу бириинсибин кердерер хаартыскалар 4 копия

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ