Издательский дом Редакция Подписка
Погода в Якутске: . -13 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ыам ыйын 15 күнүгэр  өрөспүүбүлүкэтээҕи «Кэскил»-«Бэлэм буол» хаһыат тэриллибитэ 85 сылын туолла. 

Ыам ыйын 15 күнүгэр  өрөспүүбүлүкэтээҕи «Кэскил»-«Бэлэм буол» хаһыат тэриллибитэ 85 сылын туолла. 

Оҕолорго  аналлаах «Бэлэм буол» хаһыат сахалыы тылынан 1936 с. ыам ыйын 15 күнүгэр тахсыбыта. .

25817 1

Хаһыат бастакы эрэдээктэринэн биллиилээх поэт Архип Георгиевич Кудрин-Абаҕыыныскай анаммыта.

3. Abaginskij 227x300 1

Кини кэнниттэн  суруналыыс Гаврил Павлович Тихонов, норуодунай суруйааччы Владимир Михайлович Новиков-Күннүк Уурастыырап үлэлээбиттэрэ.

Никифор Кирикович Седалищев- Дьүөгэ Ааныстыырап «Бэлэм Буол» хаһыат сэрии иннинээҕи бүтэһик (1939-1941 сс.) эрэдээктэрэ этэ. Кыргыһыы толоонугар сураҕа суох сүппүтэ.

Nikifor Kirikovich Sedalishhev D ge Aanystyyrap 226x300 1

Аҕа дойду Улуу сэриитэ саҕаланаатын кытта,  хаһыат сабыллыбыта. Бүтэһик  №-рэ — 277.

Poslednij nomer dovoennyj 300x292

 Партийнай-комсомольскай уорганнар өйөбүллэринэн, Саха АССР комсомолун обкомун I сэкирэтээрэ Егор Дмитриевич Кычкин этиитинэн, 18 сыл буолан баран, 1959 сыл тохсунньутуттан «Бэлэм буол» иккистээн тахсар буолбута. Хаһыат сэрии иннинээҕи таһаарыыларын салҕаан, 278-с нүөмэринэн бэчээттэммитэ.  Хаһыат эрэдээктэринэн Секлетея Алексеевна Курчатова анаммыта.

Sekleteya Alekseevna Kurchatova 1

Оччотооҕу кэлэктиип: С.А.Курчатова, И.И.Эртюков,  Н.Е.Мординов -Амма АччыгыйаН.И.ПротопоповаМ.Д.Игнатьев, И.С.Кычкин, Ф.В.Колодезникова, С.В.Федоров, Е.А.Николаева, Е.Попова, К.А.Бояков.

kolllektii 1

1961 сылтан бочуоттаах сынньалаҥҥа барыар диэри,  барыта  51 сыл 8 ый, солбуллубат эрэдээктэринэн  Нина Иннокентьевна Протопопова үлэлээбитэ.

2 NIP 585x775 1

Кини саамай уһуннук кылаабынай эрэдээктэринэн үлэлээбит киһи быһыытынан, "Россия рекордун кинигэтэ" диэҥҥэ киирбитэ.

unnamed 2

60-90 сылларга уһуннук үлэлээбиттэрэ: пионер уонна оскуола отделыгар Марина Дьячковская, эдкордары кытта үлэҕэ Варвара  Мякишева, эппиэттиир сэкирэтээринэн Николай  Дмитриев, литература отделыгар Николай  Васильев, фотографынан сэрии бэтэрээнэ  Иннокентий Канаев, кыраайы үөрэтэр отделга Наталья Томтосова, корректорынан Зоя  Михайлова, машинистканан Клара  Васильева, уо.д.а.

3. Kollektiv Belem buol i Bud gotov

1988 сылтан «Будь готов»диэн хаһыат  тахсар буолбута.  Эрэдээктэринэн  Екатерина Третьякова, тылбаасчытынан Мария Алексеева анаммыттара.

17243 1

90-с сыллардааҕы уларыта тутуу, комсомол, пионерия тэрилтэлэрэ үрэллэр уустук кэмнэригэр Нина Иннокентьевна өрөспүүбүлүкэ бастакы Президенэ Михаил Ефимович Николаев (оччолорго САССР Верховнай Сэбиэтин Президиумум бэрэссэдээтэлэ) өйөбүлүнэн хаһыаттарын "тыыннаах” хаалалларын ситиспитэ. Онон КПСС Дьокуускайдааҕы Обкомун уонна Саха АССР Миниистирдэрин Сэбиэтин 1990 c.атырдьах ыйын 27 күнүнээҕи 4/2-282 №-дээх  уурааҕынан  «Бэлэм буол», «Будь готов» пионердар хаһыаттара "оскуола оҕолоругар аналлаах" диэн буолбута,   «Кэскил» уонна  «Юность Севера» диэн ааттаммыттара.

Igor Danilov

 Н.И.Протопопованы кытта араас кэмҥэ  В.Н.Угарова, Е.А. Третьякова, Н.П. Васильев, Н.С. Дмитриев, А.В. Васильев, Ж.В. Леонтьева, А.Н. Павлов, И.А. Андросов, Е.С. Иринцеева, О.М.Шамаева, А.М.Иевлева, М.В.Кондратьева, И.М.Петрова (Н.И.Протопопова сиэнэ), Т.И. Алексеева, М.М. Юмшанова, Ю.Ю. Слепцова, А.Н. Курилкина, В.П. Иванов, Е.Г. Юмшанова, Л.А. Устинова, М.П. Решетникова, В.Н. Пак, О.А. Борисова, С.Г. Мухина, Д.Н. Мухин, А.С. Собакина, Р.Н. Чайнова, Л.И.Босикова, О.М. Кириллина, А.С. Жиркова уо.д.а. үлэлээбиттэрэ.

Kollektiv redaktsii 90 2000 h godov 1

1992-2013  сылларга СӨ Үөрэххэ министиэристибэтиттэн үбүлэнэн,  “Учуутал аргыһа”, “Учительский вестник” сыһыарыылары эрэдээксийэ таһаарара  (Нина Дьячковская, Анна Егорова-Айысхаана, Октябрина Шамаева, Евдокия Юмшанова, Екатерина Габышева араас кэмҥэ эппиэттээх этилэрэ).

9ce94e74 159e 4052 85a6 44b4a9b043b4 1

2007-2010 сс.  үрдүкү кылаас үөрэнээччилэригэр «Үрдэл» глянцевай сурунаал тахса сылдьыбыта (эппиэттээх Анисия Иевлева).

OLYMPUS DIGITAL CAMERA

2013 c.  ГАУ «Детское издательство «Кэскил» диэн туспа тэрилтэ буолбута. Манна  «Кэскил», «Юность Севера» хаһыаттар, «Чуораанчык», «Колокольчик»  сурунааллар киирбиттэрэ.

abd5ddb2 c3bb 4acc b792 f2f83d416f72

 2014 сылтан издательство «Бэлэм буол» хаһыакка өр кэмҥэ үлэлээбит норуодунай суруйааччы Николай Егорович Мординов-Амма Аччыгыйа аатын сүгэр.

1. Amma Achchygyja

85 сыл устата “Кэскилтэн”  хас эмэ көлүөнэ суруналыыс иитиллэн, билигин өрөспүүбүлүкэ бэчээтин, тэлэбиидэнньэтин, араадьыйатын, Интернет ситимнэрин таһаарыыларыгар үлэлии сылдьаллар. «Бэлэм буол» хаһыат Саха сиригэр аан бастакынан эдэр кэрэспэдьиэннэри иитэр кыһанан буолбута, юнкоровскай хамсааһыны тэрийбитэ. Бастакы юнкоровскай постар 1970 с. В.И.Ленин 100 cылынан «Бэлэм буол» хаһыат иһинэн тэриллибиттэрэ. Бу хамсааһыны бастакы иилээччинэн Варвара Мякишева буолбута, салгыы юнкордары кытта Варвара Угарова, кэлиҥҥи кэмҥэ  Таисия Алексеева, Анисия Иевлева үлэлэспиттэрэ. Оҕо хаһыатын суруналыыстара, атын эрэдээксийэлэртэн уратылара диэн, аҥаардас суруйуунан эрэ дьарыктаммакка, маассабай үлэни кыайа тутан, экспедициялары, марштары, көрдүүр-чинчийэр үлэлэри, сүлүөттэри, кэмпириэнсийэлэри, ааҕыылары, саахымат-дуобат турнирдарын, эстафеталары ыыталлар.

B6605 1

“Кэскил”, “Юность Севера” эрэдээксийэлэрэ сыллата эдэр кэрэспэдьиэннэр улахан сүлүөттэрин тэрийэллэр. Кэлиҥҥилэртэн аҕыннахха, Дьааҥы Баатаҕайыгар, Мэҥэ Хаҥалас Майатыгар, Таатта Харбалааҕар, Ытык Күөлүгэр, Кыйытыгар, Чурапчыга, Уус Алдан Бороҕонугар, Ньурбаҕа, Бүлүү куоратыгар, Илбэҥэтигэр, Үөһээ Бүлүүгэ, өссө Ороһутугар, Сунтаар Элгээйитигэр, Кэбээйигэ, икки сыл субуруччу Дьокуускай “Сосновый бор” оҕо сынньалаҥ киинигэр сүүһүнэн оҕолоох сүлүөттэр ыытыллыбыттара.

Slet elgeeji 1

Эрэдээксийэ кэлэктиибин этиитинэн, «Барҕарыы» национальнай пуонда өйөбүлүнэн, оҕо суруналыыстыкатыгар  «Кэскил», «Юность Севера» Бочуоттаах эрэдээктэрэ Н.И.Протопопова аатынан бириэмийэ олохтоммута. 2013, 2014, 2015 сс. лауреаттарынан эрэдээксийэ суруналыыстара А.И.Иевлева, А.Н.Павлов, А.М.Васильев уонна хаһыаты кытта көхтөөхтүк үлэлиир учууталлар буолбуттара.

14 3

2012 с. эрэдээксийэ иһинэн “Бэлэм буол”-“Кэскил” устуоруйатын көрдөрөр мусуой аһыллыбыта. Былааҥҥа – мусуойу цифровой киэпкэ көһөрүү.

ввы

Саҥа кэм ирдэбилигэр олоҕуран, дириэктэр  О.И.Семенова, дириэктэри солбуйааччы С.Е.Коврова, сүрүн эрэдээктэр Т.И.Жиркова , цифровой трансформация, сетевой таһаарыылар отделларын салайааччылара Т.В.Чьямова, Т.И.Алексеева,  “Кэскил” хаһыакка , «Юность Севера», “Чуораанчык”-“Колокольчик” сурунаалларга эппиэттээх М.А.Иванова, В.П. Петрова, А.Г.Голикова, С.А.Матвеева уонна эдэр көлүөнэ суруналыыстар, видеографтар, аныгылыы тэринэн,  саҥа киэбинэн айымньылаахтык үлэлииллэр.

IMG 2911 1

«Кэскил» издательство өрөспүүбүлүкэҕэ аан бастакынан хаһыат балаһаларыгар QR-код киллэрэн, ааҕааччылар анал мобильнай сыһыарыынан видеону көрөллөрүн, туһалаах сигэҕэ (ссылкаҕа) тахсалларын ситистэ.

«Юность Севера» хаһыат   2021 cылтан  «Юность СевераArctic ideas» сурунаал быһыытынан тахсар буолла. Интернет ситимигэр "КЭСКИЛ МЕДИА ПРОДАКШН" ютуб-ханаал, @keskil.news, @keskil.media2020, @unost_severa @kolokolchik_chuoraanchik  инстаграмнар,  keskil14.ru сайт үлэлииллэр.    

Бэлэмнээтэ Таисия Алексеева

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением