Учуонайдар айылҕа маннык дьаһаныытын итии уонна тымныы салгын харсыһыытын түмүгэр хаар түһэр диэн быһаарбыттара.
Дьиҥэр, үөрэтэн көрдөххө, бэс ыйын маҥнайгы күннэригэр Бүлүү бөлөх улуустарыгар хаар түһээччи. Холобур, былырыын Үөһээ Бүлүүгэ ыам ыйын 18-20 күннэригэр хаар түһэн үгүс дьону аймаамыта.
Оттон норуокка сонун тарҕанарынан, икки сыл анараа өттүгэр ыам ыйын 28 күнүгэр Бүлүү бөлөх улуустарыгар уонна Дьокуускай куоракка күүстээх буурҕа түспүтэ. Ол кэннэ, бу күн, РФ Президенэ В.Путин СӨ Баһылыгын эппиэтинэһин толорооччунан Айсен Николаевы анаабытын туһунан Кремльга иһитиннэрии тахсыбыта. Онон, Айсен Николаев дуоһунаска ананыытын “Буурҕа кэмигэр төрөөбүт” (“Бурерожденный”) диэн ааттаабыттара.
Хаартыскалары биһиги ааҕааччыларбыт Whatsapp нөҥүө ыыттылар.
\
Ыам ыйын 28 күнүгэр Дьокуускай куоракка күүстээх буурҕаны видеоҕа устуулара.
- 0
- 0
- 0
- 0
- 0
- 0