«Саха сиригэр коронавирус ыарыыта бэлиэтэниэҕиттэн өрөспүүбүлүкэ улуустарыгар барыта 12450 лиитирэ суурадаһыны тиэрдибиттэрэ. Бу өрөбүллэргэ территориялары дезинфекциялыырга күүстээх үлэ ыытыллыаҕа", - диэн биэдэмистибэҕэ иһитиннэрэллэр.
Исписэлиистэр суоттааһыннарынан, өрөспүүбүлүкэ 34 оройуоннарыгар уонна икки куораттааҕы уокуруктарга барыта 8255 элбэх квартиралаах дьиэлэргэ күн аайы дезинфекция үлэлэрэ кэминэн ыытыллаллар. Маны таһынан санитарнай ыраастаныы үлэлэрин олорор дьиэ аттынааҕы сирдэргэ уонна уопсастыбаннай миэстэлэргэ тэрийэллэр.
Санатар буоллахха, бүгүҥҥү күнтэн бэс ыйын 1 күнүгэр диэри Дьокуускайга атыы-эргиэн маҕаһыыннара уонна уопсастыбаннай тырааныспардар эпидемиологическай балаһыанньа уустугунан үлэлэрин тохтоттулар.
Регионнааҕы суһал ыстаабын ылыммыт быһаарыытынан, Дьокуускайга ыам ыйын 29-31 күннэригэр социальнай дистанцияны тутууһуу быраабылата күүһүрэр.
«Субуотаҕа уонна өрөбүлгэ Дьокуускайга уопсастыбаннай тырааныспардар үлэлэрин тохтоторго сүбэлээбиппит. Атыы-эргиэн эбийиэктэрин үлэлэрэ эмиэ хааччахтаныаҕа», – диэн СӨ баһылыга Айсен Николаев брифинг кэмигэр бэлиэтээбитэ.
Ону таһынан ыам ыйын 29 күнүгэр бары тэрилтэлэргэ дезинфекция үлэтин күүстээхтик тэрийэн ыыталларыгар сүбэлэммитэ.
-
0
-
0
-
0
-
0
-
0
-
0
