Издательский дом Редакция Подписка
Погода в Якутске: . 8 oC
КУРС ЦБ: $ 73,96 | 86,68

Дьокуускайтан Москубаҕа уонна Санкт-Петербурга көтөргө уонна төттөрү көтөн кэлэргэ субсидиялаах авиарейстэр быйыл оҥоһуллубат буолбуттарын туһунан сонун бэҕэһээ киэһээҥҥиттэн, ыраас халлааҥҥа этиҥ эппитинии, соһумардык уонна түргэнник тарҕанна.

Дьокуускайтан Москубаҕа уонна Санкт-Петербурга көтөргө уонна төттөрү көтөн кэлэргэ субсидиялаах авиарейстэр быйыл оҥоһуллубат буолбуттарын туһунан сонун бэҕэһээ киэһээҥҥиттэн, ыраас халлааҥҥа этиҥ эппитинии, соһумардык уонна түргэнник тарҕанна.

Росавиация сайтыгар суруйбуттарынан, чэпчэтиилээх билиэттэринэн Мииринэй уонна Нерюнгри куораттар олохтоохторо эрэ туһаныахтара. Дьокуускайга ити испииһэккэ киирбэтэх. “Росавиацияҕа бүддьүөттэн  тириэрдиллибит лимиит тиийбэтинэн, Дьокуускай – Москуба – Дьокуускай, Дьокуускай – Москуба – Дьокуускай хайысхаларынан дьону тиэйэр авиахампаанньалары кытта сөбүлэһии түһэрсэри аккаастыырга”, -- диэн иһитиннэриигэ суруллар.

Сөбүлэһии Мииринэй – Москуба – Мииринэй (“АЛРОСА” авиахампаанньа), Нерюнгри – Москуба – Нерюнгри (“Якутия” авиахампаанньа), Полярнай – Москуба – Полярнай (“АЛРОСА” авиахампаанньа) хайысхаларынан түһэрсиллибит. Оттон Дьокуускайга федеральнай үп тиийбэтэх үһү. “Якутия” авиахампаанньа пресс-сулууспатыгар бу иһитиннэриини бигэргэттилэр уонна Росавиация салалтатын кытта Дьокуускайга анаан эбии квота көрүллэригэр кэпсэтии ыытылларын иһитиннэрдилэр.

Сыыһа өйдөөмөҥ: Саха сирин бары олохтоохторугар сыһыаннаан эттэххэ, эрдэттэн чэпчэтиилээх билиэтинэн туһанан көтө сылдьар эдэр (23-гэр диэри) уонна сааһырбыт дьоҥҥо (дьахталлар 55, эр дьон 60 саастарыттан) урукку оннунан хаалар. Бу били дойду баһылыга Владимир Путин Уһук Илиҥҥэ сааһынан хааччахтааһыны суох оҥорорго дьаһала олоххо киириэхтээҕэ, чыккымай көтөөрү тугуттан эрэ иҥнибитигэр дылы, харгыстанар буолла.

Ил Түмэн дьокутааттара бүгүҥҥү XXIV (уочараты таһынан) пленарнай мунньахтарыгар Дьокуускай куорат олохтоохторун долгуппут боппуруоһу тумнубатылар. Туһааннаах сулууспалары уонна ситэриилээх былаас эппиэттэээх салайааччыларын ыҥыран, чугастааҕы кэмҥэ парламеҥҥа истиини тэрийэн ыытарга быһаардылар.   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ