Бу аҕам саастаах дьон доруобуйаларын, олохторун туһугар анаммыт дьаһал буолар. Ол тоҕото өйдөнөр. Коронавирус ыарыыта иммунитеттара мөлтөөбүт дьоҥҥо охсуута улахана биллэр. Киһи сааһырдаҕын аайы иммунитета мөлтөөн иһэр. «Бу күннэргэ барыбытыттан эппиэтинэстээх буолуу ирдэнэр. Хас биирдиигит элбэҕи көрсөн, тулуйан кэлбиккит, онон барытын сөпкө ылыныаххыт, өйдүөххүт», -- диэн Ил Дархан эттэ. Туох баар ирдэбили ылынан, дьиэлэригэр бүгэн олорбут дьоҥҥо 4000 солкуобай өрөспүүбүлүкэ бүддьүөтүттэн көрүллэрин иһитиннэрдэ.
Ас-үөл кыайан аҕалбат дьоно суохтар.
8 800 200 34 118, 8(965) 996 48 08 ,
8(800) 200 34 11, 8(924) 867 88 588, 8(914) 229 09 54,
8(924) 178 43 77
нүөмэрдэргэ эрийиҥ!
Дьиэҕитигэр ас-үөл аҕалар дьоно суохтар ити үөһэ этиллибит нүөмэргэ эрийэн билсиҥ. Анал волонтердар эһиги сакааскытын хайаан да аҕалан биэриэхтэрэ.
Эдэр, орто саастаах дьон ийэлэрбитигэр-аҕаларбытыгар, эһэлэрбитигэр-эбэлэрбитигэр, кырдьаҕас эдьиийдэрбитигэр, абаҕаларбытыгар, таайдарбытыгар, туох кыалларынан, көмөлөһөр кэммит тирээн кэллэ. Онно анаан маннык кылгас сүбэни-аманы туһаныҥ.
1. 65-тэн үөһэ саастаах дьоҥҥут таһырдьа тахсыбаттарын хааччыйарга дьулуһуҥ. Күн аайы төлөпүөнүнэн кэпсэтэ-ипсэтэ олоруҥ.
2. Хайаан да тугунан эмит дьарыктаныахтаахтар. Сэрээккэлээтиннэр, балкоҥҥа тахсан, салгын сиэтиннэр, сиэннэргэ араас таҥас-сап баайдыннар, остуол араас оонньууларын тэрийиҥ.
3. Саамай сүрүнэ, хаачыстыбалаах аһынан-үөлүнэн, битэмиининэн, эминэн, мааскаларынан хааччыйа туруҥ.
4. Доруобуйаларын туругун сотору-сотору кэтииллэрэ наадалаах, ол эбэтэр, хаан баттааһынын, кыраадыс үрдээһинин бэрэбиэркэлэнэ сылдьыахтаахтар.
5. Атын сиртэн кэлбит уонна кыратык да тумуулаабыт дьону дьиэлэригэр киллэрбэтиннэр.
6. Төһө кыалларынан, долгуйбатыннар, ыксаабатыннар, санааларын түһэрбэтиннэр.
Суһал ыстаап быһаарыыта
65-тэн үөһээ саастаах дьон дьиэлэригэр олорбуттарыгар, дьиэҕэ хааччахтанан олоруу эрэсиимэ саҕаланыытыгар 2000 солк., онтон бүтүүтүгэр эбии 2000 солк. төлөнөр.
Анал көмө хайдах төлөнөрүй? 65-тэн үөһэ саастаах дьон Дьокуускай куорат нэһилиэнньэтин социальнай уонна үлэ харыстабылын управлениетыгар учуокка туралларынан, кинилэргэ ый аайы социальнай көмө бэриллэр анал счеттарыгар эбии төлөбүр түһүөҕэ.
Бэйэни хааччахтанан олорор дьон коммунальнай өҥөнү хайдах төлүөхтэрин сөбүй?
Коммунальнай өҥөнү электроннай ньыманан төлүөххэ сөп:
— «Электронное ЖКХ»: http://dom.e-yakutia.ru/ cайтка анал систиэмэнэн үлэлиир кыахтаах салайар хампаанньалар (УК), олорор дьиэ табаарыстыбаларын (ТСЖ) испииһэктэрэ бааллар;
— https://dom.gosuslugi.ru/ диэн ОДьКХ сайтыгар киирэн тус кэбиниэт аһан төлөөҥ;
— «Якутскэнерго» АУо, «Водоканал» АУо, “ОДьКХ” ГУП анал сайтарыгар киирэн, тус кэбиниэт аһан төлөөҥ.
Александр Тарасов
- 0
- 0
- 0
- 0
- 0
- 0