Ааспыкка Москва аэропордугар эмиэ биир саха эмээхсинэ “муммутун” туһунан сурах тарҕанан дьону-сэргэни улаханнык аймыы, долгута сылдьыбыта. Дьолго, уола аах дөбөҥнүк көстүбүттэрэ.
Бу сырыыга Дьокуускайга Ньурбаттан сылдьар 70 саастаах эмээхсин муммутун туһунан сурах тарҕаммыта. Хата, “Плюшкин” диэн маҕаһыыҥҥа киирбитигэр, амарах санаалаах үлэһиттэр интэриниэккэ биллэрии таһаара охсон, аймахтарын түргэнник буллулар.
Өрөспүүбүлүкэ олохтоохторун бу күннэргэ аҕа саастаах дьоҥҥо ураты болҕомтолоох буолалларыгар ыҥырабыт. Таһырдьа соҕотохтуу таһаараргыт олус сэрэхтээх. Кырдьаҕас киһи тымныыга түргэнник гипотермияҕа ылларар, үлүйэр. Күүстээх тымныыларга чугас дьоҥҥутун харыстыы сылдьыҥ!
- 0
- 0
- 0
- 0
- 0
- 0