Метеорологтар бүгүн, тохсунньу 23 күнүгэр, Ньурба куоракка сарсыарда 9 чааска 58 кыраадыс тымныйбытын бэлиэтээбиттэрэ. Бу -- быйылгы дьылга муҥутуур намыһах көрдөрүү. Билигин 52-ни көрдөрөр. Ньурба куорат баһылыга Александр Ивановтыын кэпсэтэ сылдьыбыппар туох даҕаны ыксаллаах быһыы-майгы сибикитэ суоҕун иһитиннэрдэ. “Биирдиилээн ыаллар кыраадыһынньыктара сарсыарда 60-62 кыраадыс тымныыны көрдөрөрүн эппиттэрэ”, -- диир Александр Игнатьевич.

Ыаллыы Үөһээ Бүлүүгэ, Ньурбалыын быысаһар Хоро нэһилиэгэр сарсыардаттан -54 дииллэр. Онон, бу икки ардыгар хайдах даҕаны уонтан тахса кыраадыһынан арыттаспата биллэр. Онон, сымнатан эттэххэ, күүркэтиилээх көрдөрүү күүлэйдии сылдьар. Сарсыҥҥыттан Ньурбаҕа халлаан арыый сымныахтаах: сарсыардааҥы дьыбара -52, -53.