Былырыыҥҥы көрдөрүүнү кытта тэҥнээтэххэ, 3,5 төгүлүнэн улахан. Ол туһунан СӨ үлэҕэ уонна социальнай сайдыыга министиэристибэ иһитиннэрэр. «Пандемиянан биһиги сыл устата онлайн ньыманан үлэлээтибит. 2020 сылга видео-кэнпэриэнсийэнэн араас үөрэхтэри, дьарыктары истээччилэр ахсааннара 22 тыһыынчаҕа диэри тиийдэ», -- диэн уопсастыбаннай тэрилтэ бэрэссэдээтэлэ Пелагея Прядезникова иһитиннэрбит.
Ол курдук, күн аайы түөртэн кырата суох доруобуйаны көрүнэргэ, фольклорга, уйулҕа кистэлэҥнэригэр, араас оҥоһуктарга үөрэтэр дьарыктар буолаллар эбит. «Элбэх киһи үөрэтэр дьарыкка суруттараллар. Биһиги спикердэрбит чэгиэн сылдьыыга, сөптөөхтүк тыынарга, йогаҕа, үҥкүүгэ уонна да атынна үөрэтэллэр. Ону таһынан элбэх аҕам саастаах дьон компьютеры туттарга үөрэннилэр», -- диэн бэрэссэдээтэл бэлиэтээбит.
Өрөспүүбүлүкэҕэ аҕам саастаах дьоҥҥо анаммыт уопсайа 13 «Үһүс саас оскуолата» уопсастыбаннай тэрилтэ баар.
- 0
- 0
- 0
- 0
- 0
- 0