Ол гынан баран, бүгүн СӨ экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Николай Додохов баар балаһыанньаттан сылтаан тустаах министиэристибэ судаарыстыбаннай экологическэй надзорнай иниспиэксийэригэр туһаайан, муус устар 30 күнүгэр диэри биирдиилээн дьоҥҥо куһу бултуурга көҥүлү биэрэри тохтотор туһунан эттэ.
Василий Титов, Үөһээ Бүлүүтээҕи айылҕа харыстабылын иниспиэксийэтин салайааччы:
- Коронавируспут дьаҥа тэнийэн иһэринэн кус көҥүлүн биирдиилээн дьоҥҥо биэриини муус устар 30-гэр диэри тохтотор туһунан анал суругу туттубут. Бүтэһик быһаарыыны өрөспүүбүлүкэтээҕи булчуттар сэбиэттэрэ бу ый бүтүүтэ ылыныахтаах диэн этэ. Биллэн турар, дьаҥ хайдах буоларыттан улахан тутулуктаах буоллаҕа. Холобур, Амур уобалаһыгар сааскы булду боптулар.
- 0
- 0
- 0
- 0
- 0
- 0