Муус устар саҥатыгар эр киһи Санкт-Петербург куоракка кэргэнин эпэрээссийэҕэ арыаллаабыт. Дьиикимдэ бөһүөлэгэр дьиэҕэ олоруу (самоизоляция) ирдэбилин толору тутуспуттар. Барыллаан «положительнай” анаалыстаах эр киһини уонна кэргэнин Дьокуускай куорат инфекционнай балыыһатыгар киллэрдилэр. Бииргэ алтыспыт дьонун испииһэгэ чуолкайданан, кинилэри Бэрдьигэстээххэ обсерваторга киллэрдилэр.
Горнай улууһун дьокутааттарын Сэбиэтин бэрэссэдээтэлэ Алквиад Тарасов этэринэн, уустук балаһыанньа кэмигэр дьиэҕэ олоруу наадалааҕын өйдөтөр үлэ нэһилиэнньэҕэ барар. Итиэннэ дьокутааттар сиэссийэлэригэр СӨ Ил Дарханын кулун тутар 24 күнүнээҕи дьоҕус урбааны өйүүргэ туһуламмыт Ыйааҕынан, нолуокка көрүллэр К2 коэффициены уларытар туһунан быһаарыыны ылыннылар. Бу миэрэ улуус киинигэр Бэрдьигэстээххэ олох-дьаһах өҥөтүн толорор тэрилтэлэргэ эмиэ көрүллэр.
- 0
- 0
- 0
- 0
- 0
- 0