Парламентарий Сергей Катасонов сылга 204 тыһ. солк. кыраны аахсар дьону нолуоктан босхолуурга, итинтэн салгыы хамнастара үрдээн иһэр да, соччонон бырыһыаны үрдэтэргэ, ол эбэтэр 35 %-ҥа тиийэ таһаарарга этии киллэрбит. Кини сылга 204 тыһ. солк. кыра хамнастаах дьоҥҥо нолуок ставкатын 13 %-нан хаалларарга, оттон 5 мөл. солк. элбэҕи аахсар дьоҥҥо 15 %-ны, 10 мөл. солк. элбэх хамнастаахтарга 25 %-ны уонна 100 мөл. солк. ылар дьонтон 35 %-ны тутар туһунан этиини киллэрбит. Итини сыыппаранан ытаһалыыр буоллахха, 5 мөл. солк. хамнастан сылга нолуок быһыытынан 623,5 тыһ. солк, 100 мөл. солк. 1 мөл. 373,5 тыһ. солк, 100 мөл. солк. 23 мөл. 873,5 тыһ. солк. тутуллар. Оччоҕуна бүддьүөккэ син балачча үп киирииһи. Ол курдук, Сергей Катасонов быһаарарынан, ити уларыйыы олоххо киирдэҕинэ, Арассыыйа бүддьүөтэ сылга, ортотунан, 343 млдр. солк. эбиллиэн сөп.
- 0
- 0
- 0
- 0
- 0
- 0