Бастааҥҥы силиэстийэ этэринэн, генеральнай дириэктэр тэрилтэ счетугар төһө да харчылааҕын үрдүнэн, үлэ дуогабарын кэһэн туран, 2019 сыл сэтинньи ыйыттан 2020 сыл алтынньытыгар диэри аҕыс үлэһиккэ хамнастарын төлөөбөтөх. Инньэ гынан тэрилтэ хамнаска уопсай иэһэ 1 мөлүйүөн 70 тыһ. солк. тэҥнэспит.
Эрдэтээҕи силиэстийэ кэмигэр Аркадий Габышев буруйун толору билиммит уонна хамнаһы төлүүргэ миэрэлэри ылыам диэн тылын биэрбит. Ол иһин буруйданааччы кэлиитин-барыытын хааччахтыыр уонна бэйэ бодотун тардынарыгар миэрэ ылылыллыбыт. Ол гынан баран, салайааччы иэһин сабарга тиэтэйбэтэх. Хата, ол оннугар силиэстийэҕэ көхтөөхтүк туорайдаһа уонна хамнас төлөбүрүн араас төрүөтүнэн уһата-кэҥэтэ сылдьыбыт. Инньэ гынан муус устар 28 күнүгэр ОМОН Габышевы тутан хаайыыга киллэрдэ.
Суут быһаарыытынан, салайааччы “Lexus GX 460” массыынатыгар, “Сахапроект” АУо бары счеттарыгар бобуу уурулунна.
Билигин холуобунай дьыала силиэстийэтэ салҕанан бара турар. Ол туһунан Саха сиринээҕи Следственнай салалта салайааччытын старшай көмөлөһөөччүтэ Надежда Дворецкая иһитиннэрдэ.
СИА матырыйаалынан.
- 0
- 0
- 0
- 0
- 0
- 0