Өйдөбүнньүк сүрэхтэниитигэр РФ Бэрэсидьиэгэр Саха сирин бастайааннай бэрэстэбиитэлэ, СӨ Бырабыыталыстыбатын бэрэссэдээтэлин бастакы солбуйааччы Андрей Федотов, Крым Өрөспүүбүлүкэтин Ленинскэй оройуонун баһылыга Галина Рябая, мусуойун дириэктэрэ Николай Рак, саха диаспоратын бэрэстэбиитэллэрэ кыттыыны ыллылар.
Бүгүҥҥү ситэтэ суох дааннайдар көрдөрөллөрүнэн, Крымы босхолооһуҥҥа сүүстэн тахса Саха сириттэн төрүттээх саллаат сэриилэспит. Бу дьон Балаклава, Керчь, Керчь тумулун иһин кыргыһыыларга дьоруойдуу охтубуттар. Билигин Крым чинчийээччилэрэ уонна мусуойун үлэһиттэрэ 126 саллаат аатын-суолун чуолкайдаатылар. Ол гынан баран, чинчийии үлэлэрэ салҕыы бара тураллар. Бу үлэлэргэ Саха сирин көрдөөччүлэрин десаннара эмиэ кытталлар.
- 0
- 0
- 0
- 0
- 0
- 0