Сенатордар бэс ыйын 22 күнүнээҕи сис кэмитиэттэр мунньахтарыгар кандидатураны дьүүллэһиэхтэрэ. Билигин Саха сирин борокуруорун эбээһинэстэрин бастакы солбуйааччы Айдар Иванов толоро олорор. 2019 сыл олунньу ыйыгар диэри өрөспүүбүлүкэ борокуруорунан Николай Пилипчук үлэлээн баран, Приморскай кыраайга көспүтэ. Ол кэннэ Олег Нарковскай анаммыта. Ол гынан баран, 2020 сыл ахсынньытыгар ыарахан ыарыыттан олохтон туораабыта.
Ыспыраапка
Максим Николаевич Попов, 1980 сыллаахха Омск куоракка төрөөбүт. Омскайдааҕы судаарыстыбаннай университет “юриспруденцияҕа” салаатын бүтэрбит. РФ борокуратууратыгар сулууспатын 2002 сыллаахха саҕалаабыт. Омскай уобалас Ленинскэй уокуругун силиэдэбэтилинэн үлэлээбит. 2019 сыллаахха Сахалинскай уобалас борокуруорун бастакы солбуйааччытынан анаммыт.
- 0
- 0
- 0
- 0
- 0
- 0