Тоһоҕолоон бэлиэтиир наада: 2020 сылтан бастакы оҕоҕо ийэ хапытаалын бырагыраамата киирбитэ. Ол курдук, 2020 сылтан бэттэх төрөөбүт бастакы оҕоҕо хапытаал ылбыт буоллахтарына, иккис оҕолоругар бэриллэр ийэ хапытаалын кээмэйигэр тиийэр эбии төлөбүрү ылаллар. Холобур, 2021 сылга бастакы оҕоҕо ийэ хапытаалын кээмэйэ 483 882 солк., иккис оҕоҕо – 639 432 солк., өскөтүн төрөппүт 2020 сылга бастакы оҕотугар ийэ хапытаалын ылбыт буоллаҕына, иккис оҕотугар 150 тыһ. солк. эбии төлөбүрү ылар. Ол эбэтэр икки оҕотугар ийэ хапытаалларын уопсай кээмэйэ 639 432 солк. буолар. Оттон дьиэ кэргэн бастакы оҕото 2020 сыл иннигэр төрөөбүт буоллаҕына, ийэ хапытаала көрүллүбэт. Ол оннугар иккис оҕо төрөөтөҕүнэ, 639 432 солк. кээмэйдээх иккис оҕоҕо ийэ хапытаалын толору ылар.
Ол курдук, докумуонунан 2022 сылга бастакы оҕо төрөөтөҕүнэ, ийэ хапытаалын кээмэйэ 503 237 солк., иккис оҕоҕо ийэ хапытаалын кээмэйэ – 665 009 солк. буолар. 2023 сылга сылга бастакы оҕо төрөөтөҕүнэ ийэ
хапытаалын кээмэйэ 523 366 солк., иккис оҕоҕо ийэ хапытаалын кээмэйэ – 691 609 солк. буолар.
Санатар буоллахха, ийэ хапытаалын бырагырааматын 2026 сыл ахсынньы 31 күнүгэр диэри уһаталларын туһунан иһитиннэрии тахсыбыта.
-
0
-
0
-
0
-
0
-
0
-
0
