Сайабылыанньаны олорор сиринэн, Арассыайа Киин быыбардыыр хамыыһыйата олохтообут бэрээдэгинэн биэриэххэ сөп:
Балаҕан ыйын 19 күнүгэр 14:00 чааска диэри:
✅ Олорор сиргитинэн учаастактааҕы быыбардыыр хамыыһыйаҕа.
✅ Куоракка баар улуустар землячестволарын эппиэттээх киһитигэр биллэриэххитин сөп.
Быыбардааччы толору араспаанньатын, аатын, аҕатын аатын, паспорынан ханна регистрацияламмытынан (улууска, куоракка) уонна билигин ити күннэргэ ханна олорорун аадырыһын, телефонун биллэрэр.
Убаастабыллаах Дьокуускай куорат олохтоохторо! Быыбарга бары бииргэ кыттан, бэйэҕитин уонна чугас дьоҥҥутун харыстыыр туһуттан, дьиэҕэ куоластатыаххытын сөп. Улуускут землячествотын кытта сибээстэһэн, быыбардыыр быраапкытын туһанан куоластааҥ.
Саха Өрөспүүбүлүкэтин улуустарын землячестволарын сэбиэтэ.
- 0
- 0
- 0
- 1
- 0
- 0