Издательский дом Редакция Подписка
Погода в Якутске: . -9 oC
КУРС ЦБ: $ 73,96 | 86,68

Бүгүн, балаҕан ыйын 25 күнүгэр, култуура, искусство уонна айар (креативнай) эйгэ бырайыактарын өйүүр бэрэсидьиэн граннарын маҥнайгы куонкуруһун кыайыылаахтара ааттаннылар. Саха сириттэн уопсайа 33 бырайыак 34 мөл. тахса суумалаах көмөнү ылыаҕа.

Бүгүн, балаҕан ыйын 25 күнүгэр, култуура, искусство уонна айар (креативнай) эйгэ бырайыактарын өйүүр бэрэсидьиэн граннарын маҥнайгы куонкуруһун кыайыылаахтара ааттаннылар. Саха сириттэн уопсайа 33 бырайыак 34 мөл. тахса суумалаах көмөнү ылыаҕа.

«Бу дьыл ыам ыйын 17 күнүгэр Арассыыйа Бэрэсидьиэнэ Владимир Путин ыйааҕынан култуура хайысхатыгар туһуламмыт көҕүлээһиннэри өйүүр сыаллаах фонда тэриллибитэ. Төрүттээччинэн уонна сүрүннээччинэн Бэрэсидьиэн граннарын фондата буолар», – диэн кэпсээнин саҕалыыр Саха Өрөспүүбүлүкэтин ыччат дьыалатыгар уонна социальнай коммуникацияларга миниистири солбуйааччы Надежда Мохначевская.

2c00589a 0306 4e3b aab6 c82c71554b06

Кини бэлиэтииринэн, Бэрэсидьиэн граннарын фондата быйыл икки улахан бырайыагы саҕалаабыт. Ол курдук, бастатан туран, эрэгийиэннэр гражданскай уопсастыба институттарын сайыннарарга аналлаах граннарын фондатыгар эбии үп көрөн өйөөһүн. Иннэ гынан быйыл өрөспүүбүлүкэ иһинэн тэриллэр Ил Дархан граннарыгар федеральнай киинтэн эбии 42 мөл.солкуобай эбиллэн, уопсайа 103 мөл.суумалаах куонкурус ыытыллыбыт. Иккиһинэн, Бэрэсидьиэн граннарын фондатын култуураҕа, искусствоҕа уонна айар (креативнай) эйгэҕэ хайысхатын туспа арааран, ойуччу сайыннарыы.

«Култуура көҕүлээһиннэрин өйүүр фонда кылгас кэм иһигэр тэриллэн, маҥнайгы куонкуруһун түмүгэ номнуо тахсан, үтүө сонуммутун бар дьоммутугар билиһиннэрэ олоробут», – диэн үөрүүтүн үллэстэр миниистири солбуйааччы Надежда Вячеславовна.

Саха сириттэн куонкуруска 8 хайысханан уопсайа 236 сайаапканы ыыппыт буоллахпытына, кыайыылаах үрдүк аатын 33 тэрилтэбит ылла. Бу сайаапка да, кыайбыт бырайыакпыт да ахсаанынан Уһук Илин эригийиэҥҥэ бастыҥ көрдөрүү. Холобур, Хабаровскай кыраай 12-ни ылбыт, онтон Приморье 8 эрэ бырайыага өйөммүт. Иннэ гынан өрөспүүбүлүкэбит экономикатыгар 34 853 122 солкуобайы үмүөрү тардар кыахтанныбыт.

енгэ

«Тэрээһиҥҥэ эрдэттэн бэлэмнэнэн, көдьүүстээх үлэни ыыттыбыт дии саныыбын. Бырабыыталыстыба бэрэссэдээтэлин солбуйааччы О.В. Балабкина салалталаах ресурснай кииннэрбитин кытта хастыы эмэ сүбэ мунньаҕы, үөрэхтэри, консультациялары ыыппыппыт. Култуура уонна духуобунай саайдыы министиэристибэтин, олохтоох дьаһалталары кытта биир тэтимҥэ буолбуппут көһүннэ», – диэн бэлиэтиир Надежда Мохначевская.

Ол курдук кыайыылаахтар кэккэлэригэр: 19 кэммиэрчэскэйэ суох тэрилтэ, 12 муниципальнай тэрилтэ, 1 хааччахтаммыт эппиэтинэстээх уопсастыба, 1 урбаанньыт киирбиттэр. 500 тыһ.диэри сууманы 16 бырайыак, 1 мөл.диэри – 5, 2 мөл.диэри – 6, 3 мөл.диэри – 6 бырайыак ылбыттар. Кыайбыт үлэлэр ис хоһоонноругар болҕойдоххо: 10 бырайыак «култуура эйгэтигэр араас технологиянан үөрэхтэри ыытыы», 10 – «бириэмийэлэри, фестиваллары, форумнары тэрийии», 5 – «араас култуура хайысхаларын холбоон дьүөрэ сайыннарыы» хайысхаларынан ситиһиилэммиттэр.

Куонкуруска ордук элбэх сайаапка Мэҥэ-Хаҥаластан (12), Кэбээйиттэн (11), Амматтан (11) уонна Бүлүү улууһуттан (10) киирбит. Онтон тэрилтэлэр көрүҥнэринэн араардахха: кэммиэрчэскэйэ суох тэрилтэлэртэн 111, муниципальнай тэрилтэлэртэн 85 уонна урбаанньыттартан 40 сайаапка.

176

«Бары кыттааччыларга ситиһиилэри баҕарабыт. Бу сырыыга болҕомтону, көмөнү ылбатах бырайыактаах тэрилтэлэри ресурснай кииннэри кытта сайаапкалары өссө биирдэ ырытан, чочуйан, салгыы кытталларыгар сүбэлиибит. Кыайыылаахтарга ис сүрэхпититтэн эҕэрдэбитин этэбит уонна кэлэр сырыыга атыттарга холобур, көмө-тирэх, сүбэ-ама буолуохтара диэн эрэнэбит», – диэн кэпсээнин түмүктүүр гражданскай уопсастыба сайдыытын сүрүннүүр миниистир солбуйааччыта Надежда Мохначевская.

Эбии этэр буоллахха, аны аҕыйах кэминэн, сэтинньи 1 күнүттэн, фонда иккис куонкуруһугар сайаапкалары тутуу саҕаланыа. Санааларгытын, сэргэх толкуйдаргытын бырайыак быһыытынан суруйарга бэлэмнэнэ сылдьыҥ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ