Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

Таатта улууһун Чөркөөҕөр «Алаһа» эбэлэр түмсүүлэрэ нэһилиэккэ ыытыллар бары тэрээһиннэргэ көхтөөтүк кыттар.

Таатта улууһун Чөркөөҕөр «Алаһа» эбэлэр түмсүүлэрэ нэһилиэккэ ыытыллар бары тэрээһиннэргэ көхтөөтүк кыттар.

Бу күннэргэ кинилэр 11 көрүҥ кыбытык олбохтору тиктилэр. Ону Чөркөөхтөөҕү  мусуой комплекска бэлэхтээтилэр. Саҥа олбохтор Саппыйа алааһыгар чөлүгэр түһэриллибит ааспыт кэмнэргэ холкуоска суоччутунан үтүө суобастаахтык үлэлээн, бар дьонун ытыктабылын ылбыт Михаил Иванович Кулаковскай-Мойуор Кулаковскай балаҕаныгар ууруллуохтара. Олбохтору бэлэхтээһин сиэрин-туомун Москва «Бастакы ханаал» телевидениетын Саха сиринээҕи салаатын үлэһиттэрэ кэлэн уһуллулар. Эбэлэр ыалдьыттары өбүгэ ыалдьытымсах үгэһинэн арыылаах саламаатынан, алаадьынан, кымыһынан айах туттулар.

“Алаһалар” бу иннинэ Судаарыстыбаннас мусуойугар кыл олбохтору уонна ат толору симэҕин оҥороннор бэлэхтээбиттэрэ.
Октябрьскай нэһилиэк бэтэрээннэрин сэбиэтин бэрэссэдээтэлэ Любовь Иванова, sakhaparliament.ru сайтка анаан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ