Санатар буоллахха, Кангаласс аннынан бу сарсыарда харан турбут муус 12 чаас саҕана устубута. Ол уһаабатаҕа, сотору кэминэн тохтообута. Өлүөнэ сүнньүнээҕи управлениетын пресс-сулууспата иһитиннэрбитинэн, 15 чаас саҕана суһал бөлөх сөмөлүөтүнэн көтөн, Кангаласс алын өттүгэр харан турар мууһу дэлби тэптэртээбитин түмүгэр муус хамсаабыта биллэр. Бу туһунан Өлүөнэ сүнньүнээҕи управление уу хаһаайыстыбатыгар отделын начаалынньыга Николай Портнягиттан ыйыппыппытыгар: “Нам улууһун Үөдэй нэһилиэгин аттыгар Буденнай боротуохатын аттынан 1,2 туонна ыйааһыннаах дэлби тэптэриини оҥордулар. Ити кэнниттэн харан турбут муус хамсаата”, - диэн хоруйдаата. Онон харан турбут муус хамсаабыт буоллаҕына, уу таһыма сотору түһүө диэн эрэниэҕиҥ.
- 0
- 0
- 0
- 0
- 0
- 0