– Саҥа ИФА көмөтүнэн лабаратыарыйаҕа оҥоһуллар чинчийии болдьоҕо биллэ кылгыаҕа. Маннык аппараакка биир кэмҥэ икки сүүскэ тиийэ хаачыстыбалаах анаалыстары оҥоруохха сөп. Аппараат анти-өлүүскэ (антитела) хайдах иммунитетка дьайарынан түмүгү таһаарар. Маннык тэрил түргэн анаалыстары оҥорорго табыгастаах, ону сэргэ хаачыстыбалаах уонна чопчу түмүктэри таһаарар. Билигин аппарааты COVID-2019 анаалыстарын, IgM уонна IgG кылаастаах иммуноглобулиннары, СА-19-9, АФП, СА-125, РЭА, СА-15-3, ХГЧ, уо.д.а. искэҥ ыарыытын онко-бэлиэлэрин быһаарарга тутта сылдьабыт. Маны таһынан ИФА гепатит В уонна С, ВИЧ, кыһыл ымынах ыарыытыгар (краснуха), уо.д.а. кутталлаах ыарыыларга анаалыстары оҥорор кыахтаах, – диэн клиническай чинчийии лабаратыарыйатын сэбиэдиссэйэ Елена Егорова кэпсээтэ.
- 0
- 0
- 0
- 0
- 0
- 0