--Ыалдьыбыт, ыарахан туруктаах, өлбүт дьон ахсаана күн-түүн эбиллэн иһэр. Онон сибээстээн балаһыанньаны тупсарарга бары күүһү ууруоххайыҥ. Дьиэҕэ эмтэнээччилэр үтүөрүүлэрин анаалыстаан-ырытан көрүҥ. Поликлиникаларга эрийэн тиийии суһал уонна табыгастаах буолуутун хааччыйыҥ. COVID-19 утары эмтэри наадыйааччыларга тиэрдиини тэтимирдиҥ. Коронавирус тарҕаныытын тохтотууга көмөлөһө сылдьар медицинскэй үөрэх устудьуоннарыгар ый аайы 10-нуу, училище уһуйуллааччыларыгар 7-лии тыһыынчаны эбии төлөөҥ. "Росатом”-тан саҕалаан, бөдөҥ тэрилтэлэри бу үлэҕэ кытыннарыҥ. Социальнай төлөбүрдэри биэриини сыл бүтүөр диэри үчүгэйдик хонтуруоллааҥ. Итиэннэ эрэгийиэннэргэ түҥэтиллибит үбү туһаныы тиэмпэтэ бытаан, түргэтиннэриҥ. Эрэгийиэннэр боломуочуйаларын улаатыннарбыппыт, онон соннук көдьүүстээх үлэни эрэйэбит, -- диэтэ аҕа баһылык.
-- Билиҥҥи туругунан Карелияҕа, Чувашияҕа, Орловскай, Ивановскай, Пензенскэй, Самарскай, Омскай уонна Иркутскай уобаластарга, Мордовияҕа, Комига, Севастопольга балаһыанньа уустук. Тиһэх дааннайынан Арассыыйаҕа 1 991 998 киһи ковидтаабыт. 34300 киһи өлбүт. Балтараа мөлүйүөн киһи үтүөрдэ, -- диир вице-премьер Татьяна Голикова.
- 0
- 0
- 0
- 0
- 0
- 0