Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Күһүҥҥэттэн эмтиэкэлэргэ коронавирус дьаҥын утары туһаныллар эмп-том тиийбэтин туһунан социальнай ситимнэринэн  хамаҕатык тарҕанар. Ону истэ-истэ  сорох дьон өссө ыксыыллар. Уолуйуу туох да үчүгэйи аҕалбата чуолкай.

Күһүҥҥэттэн эмтиэкэлэргэ коронавирус дьаҥын утары туһаныллар эмп-том тиийбэтин туһунан социальнай ситимнэринэн  хамаҕатык тарҕанар. Ону истэ-истэ  сорох дьон өссө ыксыыллар. Уолуйуу туох да үчүгэйи аҕалбата чуолкай.

Өрөспүүбүлүкэҕэ эмп-том сыанатын СӨ  Судаарыстыбаннай сыана бэлиитикэтигэр кэмитиэтэ хонтуруоллуур.  Кэмитиэт пресс-сулууспата иһитиннэрбитинэн,  киһи олоҕун өрүһүйэргэ аналлаах тыын суолталаах эмп-том сыаната  судаарыстыбанан хонтуруолланар. Хонтуруолланар эмтэр испииһэктэригэр 600   көрүҥ киирэр. Вируһу утары арбидол, гриппферон хааппылата, ингаверин, парацетамол, о.да.а. бааллар. Эмтэр толору испииһэктэрин  гражданин хас биирдии эмтиэкэттэн эбэтэр РФ Доруобуйа харыстабылын министиэристибэтин  анал саайтыгар  киирэн билсиэн сөп.

Манна биири өйдүөххэ наада. Оҥорон таһаарааччы сыанатыгар хас биирдии эрэгийиэҥҥэ кууһунан уонна биирдиилээн атыы ороскуоттара эбиллэллэр. Бу муҥутуур кээмэйин Саха сиригэр Судаарыстыбаннай сыана  бэлиитиикэтин кэмитиэтэ олохтуур уонна эмтиэкэлэргэ төһө үрдэтэн атыылыылларын хонтуруоллуур. Эргиэн ороскуотун муҥутуур кээмэйэ эмп сыанатыттан уонна өрөспүүбүлүкэ хайа улууһугар атыыланарыттан эмиэ булгуччу тутулуктаах. Ыраах сытар улууска  эми тиэрдии ороскуота улаатара чуолкай. Ол эрээри, муҥутуур кээмэй Саха сирин бары территориятыгар булгуччу тутуһуллуохтаах.

Коронавирус дьаҥа туруоҕуттан Судаарыстыбаннай сыана  бэлиитикэтин   кэмитиэтэ биир кэлим быһа сибээһи олохтообута. Ол курдук, олохтоохтор 508-026 нүөмэргэ эрийэн, ас-үөл уонна эмп-том сыаналара үрдээбитин туһунан иһитиннэриэхтэрин сөп. Билигин даҕаны үлэ күнүгэр сарсыарда 9 чаастан киэһэ 18 чааска диэри  анал иһитиннэриини ылаллар. Манна эрийэн кэлбит киһи аатын суолун уонна хантан, төһө сыанаҕа ханнык эми-тому, аһы-үөлү ылбытын туһунан сиһилии кэпсиэхтээх. Эми, аһы атыыласпытын туоһулуур чиэгэ баара өссө ордук. Кэмитиэт саайтыгар, электроннай почтатыгар уонна итини таһынан, инстаграмм, вконтакте, фэйсбук курдук социальнай ситимнэргэ эмиэ суруйан,  ыйытыыларгытыгар сөптөөх хоруйу ылыаххытын сөп.

Өрөспүүбүлүкэ үрдүнэн үлэлиир бары эмтиэкэлэргэ киһи олоҕор тыын суолталаах эмп-том хайаан да атыыланар.  Онон эмтиэкэлэр чааһынайдарыттан, судаарыстыбаннайдарыттан тулуга суох  бары хонтуруолга   сылдьаллар. Нэһилиэнньэттэн үҥсүү киирдэҕинэ уонна үҥсээччи аатын-суолун толору эттэҕинэ эрэ, тустаах бэрэбиэркэ ыытыллар.  Онон нэһилиэнньэ эмп сыаната төрүөтэ суох үрдүүрүн  хонтуруоллуур, тохтотор биир сүрүн күүс буолар.

Сыананы туох да төрүөтэ суох үрдэппит урбаанньыт уонна  тэрилтэлэр административнай миэрэҕэ тардылланнар ыстырааптаналлар. Соторутааҕыта  борокуратуура үлэһиттэрин кытта эмтиэкэлэри бэрэбиэркэлээбиттэр. Быраабыланы, ирдэбили кэһии тахсыбытын булбатахтар.  Билигин кэмитиэт улуустааҕы исписэлиистэрэ борокуратуура үлэһиттэрин кытта тыын суолталаах эмп сыанатын эргиэнин ороскуота төһө сөпкө тутуһуллан атыыланарын бэрэбиэркэлээн  эрэллэр.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ