«Биһиги эрэгийиэммитигэр кэлбит вакцина сүрүн партията «Спутник V» буолар. Кини бастакынан регистрацияламмыта. Бу вакцинаны аҕа көлүөнэ дьон ылыахтарын сөп. Сокуоннай саастарын туола илик оҕолорго, хат эбэтэр эмтэрэр дьахталларга, аллергиялаах дьоҥҥо быһыы туруорар көҥүллэммэт», — диэн Елена Борисова бэлиэтээтэ.
«Спутник V» — аденовируска олоҕуран оҥоһуллубут вакцина. Оттон 1200 доза Саха сиригэр кэлбит «ЭпиВакКорона» — коронавирус геномун үс эттигиттэн оҥоһуллубут вакцина буолар.
«ЭпиВакКорона» вакцинанан билиҥҥитэ маассабай быһыы туруоруллубатын иһитиннэрдэ. «ЭпиВакКорона» вакцинаттан сааһынан хааччах билиҥҥи кэмҥэ уһулла илик, онон маассабайдык туруоруллубат. Вакциналар иккиэн икки түһүмэҕинэн бэриллэр», — диэн миниистир быһаарар.
Санатар буоллахха, «ЭпиВакКорона» вакцина Арассыыйа биэс куоратыгар — Москваҕа, Санкт-Петербурга, Ростов-на-Дону, Тулаҕа уонна Новосибирскайга туһаныллар.
-
0
-
0
-
0
-
0
-
0
-
0
