Издательский дом Редакция Подписка
Погода в Якутске: . -13 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ил Дархан Айсен Николаев 2021-2030 сыллары өрөспүүбүлүкэҕэ Чэбдигирии 10 сылынан биллэрдэ. “Чөллөөх эйгэ олохтонорун, мэдиссиинэ өҥөтө барыларыгар табыгастаах буоларын, нэһилиэнньэ 80 сааһын аһарарын ситиһэр соруктаахпыт-- диэн эттэ.

Ил Дархан Айсен Николаев 2021-2030 сыллары өрөспүүбүлүкэҕэ Чэбдигирии 10 сылынан биллэрдэ. “Чөллөөх эйгэ олохтонорун, мэдиссиинэ өҥөтө барыларыгар табыгастаах буоларын, нэһилиэнньэ 80 сааһын аһарарын ситиһэр соруктаахпыт-- диэн эттэ.

 саастаах дьон хачыал

Бу пандемия киһиэхэ саамай күндүтэ доруобуйата буоларын бигэргэттэ. Онон 2021 с. кулун тутар 31 күнүнээҕи «О стратегических направлениях укрепления общественного здоровья и развития системы здравоохранения в Республике Саха (Якутия)» 1782 №-дээх Ыйаах тахсыбыта тоҕоостоох.

Ыйаахха ыытыллар үлэ 6 сүрүн хайысхата торумнаммыт: 1) Бэйэ доруобуйатыгар эппиэтинэстээхтик сыһыаннаһыыны олох нуорматыгар кубулутуу. 2. Доруобуйа харыстабылын систиэмэтин бөҕөргөтүү 3) Генетика салаатын сайыннарыы; 4) Идэлээх каадырдарынан хааччыйыы. 5) Эмтиир эйгэни наука өттүттэн көрөн чинчийии. 6) Мэдиссиинэни цифровой таһымҥа таһаарыы.

указ

Барыбыыталыстыба ити ыйыллыбыт сүрүн тосхоллору тутуһан, бары этиллибити хабан, былаан оҥоруохтаах. Ону сэргэ олохтоох аһы-үөлү оҥорор тэрилтэлэр бородууксуйаларын элбэтэргэ кэккэ миэрэлэри ылыахтаах, нэһилиэнньэ барыта успуордунан дьарыктанарыгар усулуобуйаны тэрийэргэ докумуоннары бэлэмнээн киллэриэхтээх.

1 13

2022 сылтан сөпкө уонна иҥэмтэлээхтик аһыырга үөрэтэр оскуолалары аһан үлэлэтэр, аһары уойууну тохтотор, нэһилиэнньэни искэн ыарыытыгар бэрэбиэркэлиир, оҕо аһылыгын хонтуруоллуур, быһыылары ылыы халандаарын кэҥэтэр, наркологическай көмө кэнсиэпсийэтин саҥардар сорук турар. Национальнай био-баан баар буолуоҕа. Эмчиттэри эбии үөрэтии, саҥа ньымаларга уһуйуу күүһүрүө. Удьуордаан бэриллэр ыарыылары быһаарар генетическэй диагностика, трансляционнай чинчийии уонна килиэккэ биомедицинскай технологията сайдыахтаах. Теле-мэдиссиинэ көмөтүнэн ыарыһаҕы ыраахтан көрөн консультациялааһын тэнийиэхтээх. Цифровой мэдиссиинэ кыаҕын-кыамтатын бастаан COVID-19 дьаҥынан ыалдьыбыттар туруктарын кэтииргэ тургутан, боруобалаан көрүөхтэрэ. 2022 сылга паллиативнай көмөнү оҥорор 50 куойкалаах киин, 245 миэстэлээх инфекционнай балыыһа, 2024 сылга хоспис, 2-с №-дээх Өрөспүүбүлүкэтээҕи балыыһа суһал көмөнү оҥорор отделениетын дьиэлэрэ тутуллуохтара.  Мэдиссиинэ национальнай киинигэр саҥардар, өрөмүөннүүр үлэ барыаҕа.

e0a8b6cf1fb51b52f6d639ddf06d163c

Нэһилиэнньэ доруобуйатын бөҕөргөтүүгэ уонна доруобуйа харыстабылын сайыннарыыга туһуламмыт бырайыактыыр офис дьон-сэргэ доруобуйатын туругун индексин быһаарарга, отчуотунан олорууну аччатарга, ол оннугар былаанынан балыыһаҕа ылыыны элбэтэргэ, онуоха сыыппара эйгэтин туһанарга үлэлэһиэҕэ.

Доруобуйа харыстабылын министиэристибэтэ 2030 сылга диэри бу хайысханы сайыннарыы Стратегиятыгар Ыйаах соруктарын киллэрэн, нормативнай-правовай аахталарын оҥоро охсуохтаах. Оттон Ил Түмэн дьокутааттара доруобуйаны бөҕөргөтүүгэ туһуламмыт сокуоннары чочуйан, эрэдээксийэлээн биэриэхтээхтэр. Көрдөрөр-иһитиннэрэр сириэстибэлэр сырдатыы үлэтин киэҥник тэрийиэхтээхтэр.

саастаах

Великобритания королевата Елизавета II сааһа 95-һэ буолла. Ол тухары солотун уолугар Чарльзка туран биэрэ илик. Аан дойду дьоно ол түгэни кэтэһэ сатаан баран: “Хотун букатын кэлбит быһыылаах. Билигин да сэнэх”, -- диэн сапсыйбыттара. Тронугар олорон, 100 сааһын бэлиэтиирин аны күүтэллэр.

Оннук да буолуоҕа. Тоҕо диэтэххэ, кини кыра сааһыттан иҥэмтэлээх аһы аһаан, доруобуйатын учуонай быраастар көрөн-истэн, мэдиссиинэ бастыҥ ситиһиитинэн буолар өҥөнү туһанан, анаан-минээн этин-хаанын күн аайы эрчийэн, үчүгэй усулуобуйаҕа олорон кырыйдаҕа дии. Ол иһин үйэтин, ыалдьыбакка-эчэйбэккэ, эттэҥҥэ чэгиэнник моҥоон эрэр. Хас биирдиибит кини курдук уһун үйэлээх буоларыгар бу Ыйаах соруктара төһүү күүс буоллун! Королева Елизавета II олоҕун курдук таһымҥа тахсарбытыгар Чэбдигирии 10 сыла биир дьоһуннаах хардыы буоллун!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением