Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

Балаҕан ыйын 2 күнүгэр Илиҥҥи экэнэмиичэскэй форумҥа (ВЭФ) дойду кылаабынай санитарнай бырааһа Анна Попова Бүтүн Арассыыйатааҕы грипп ыарыытын утары быһыы хампаанньата саҕаламмыттын туһунан иһитиннэрдэ.

Балаҕан ыйын 2 күнүгэр Илиҥҥи экэнэмиичэскэй форумҥа (ВЭФ) дойду кылаабынай санитарнай бырааһа Анна Попова Бүтүн Арассыыйатааҕы грипп ыарыытын утары быһыы хампаанньата саҕаламмыттын туһунан иһитиннэрдэ.

Грипп утары быһыы  кутталаах ыарыыттан харыстанарга саамай көдьүүстээх ньыма. Быйыл Анна Попова этэринэн, Роспотребнадзор нэһилиэнньэ 60-тан итэҕэһэ суох бырыһыанын хабары былаанныыр. Ордук кутталга сылдьар нэһилиэнньэ араҥатыгар болҕомто ууруллуоҕа: оҕолорго, оҕо күүтэр ийэлэргэ, хроническай ыарыылаахтарга, пенсионердарга, 60-тан үөһэ саастаах аҕам дьоҥҥо уонна миэдиктэргэ. «Бу нэһилиэнньэ араҥатын кырата суох 75 бырыһыанын  хабар былааннаахпыт», — диэтэ Роспотребнадзор салайааччыта.

Санатар буоллахха, былырыын быһыыны дойду үрдүнэн 85 мөл. киһи ылбыта. Экспертэр этэллэринэн, быһыы грипптэн уонна COVID-19 микст-инфекциятыттан харыстанарга көмөлөһөр.

- Быһыыны балаҕан ыйыттан сэтинньи ыйга диэри ылар ордук, ол эбэтэр дьаҥ тарҕаныан иннинэ, - диир кылаабынай санитарнай бырааһа - Ыарыы туруон икки-үс нэдиэлэ иннинэ  быһыыны оҥотторуохха наада. Эрдэ быһыыны ыллахха киһи иммунитетын өрө көтөҕүллүгэр улахан суолталанар.

Госдума үөрэххэ уонна билим кэмитиэтин бэрэссэдээтэлин бастакы солбуйааччы, дойду урукку санитарнай бырааһа Геннадий Онищенко коронавируска иммунитет үөскээбитин кэннэ грипп утары быһыыны ылар ордугун бэлиэтиир. Оттон коронавируска антитела суох буоллаҕына, бастатан туран, COVID-19 утары быһыы оҥоһуллуохтаах, онтон кэлин, биир ыйынан, грипптэн утары.

Быһыыны олорор, эбэтэр үлэлиир сиргинэн балыыһаларга ылыахха сөп. Маны таһынан, көһө сылдьар быһыы биригээдэлэрэ үлэлиэхтэрэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ