Издательский дом Редакция Подписка
Погода в Якутске: . 6 oC
КУРС ЦБ: $ 73,96 | 86,68

Дойду бэрэсидьиэнэ Владимир Путин ыам ыйын 11 күнүгэр видео-конференц сибээс нөҥүө дьиэ кэргэн 3 саастарыттан 16 саастарыгар диэри  хас биирдии оҕолоругар биир кэмнээх 10 тыһ. солк. төлүүр туһунан этиитин бары эгди буола, үөрэ истибиппит. Билигин бүтүн Арассыыйа үрдүнэн сайабылыанньа биэриитин үгэнэ.

Дойду бэрэсидьиэнэ Владимир Путин ыам ыйын 11 күнүгэр видео-конференц сибээс нөҥүө дьиэ кэргэн 3 саастарыттан 16 саастарыгар диэри  хас биирдии оҕолоругар биир кэмнээх 10 тыһ. солк. төлүүр туһунан этиитин бары эгди буола, үөрэ истибиппит. Билигин бүтүн Арассыыйа үрдүнэн сайабылыанньа биэриитин үгэнэ.

Бастакы омуҥҥа, иһиттибит-истибэтибит диэт, Госуслуги сайтка киирии-тахсыы олус элбээн, бэл, сайт харан, ууга-уокка түһэрбитэ баар суол.

Сайт үлэтэ билигин оннун булан, иҥнигэһэ-хаҥныгаһа суох киирэн сайабылыанньа биэриэххэ сөп диэн Биэнсийэ пуондата иһитиннэрэр.

Ол да буоллар, дьон санаатын иһиттэххэ, кыра харгыстары син биир көрсөллөр эбит.

Евдокия Слепцова, Амма. Элбэх оҕолоох дьиэ кэргэн буолабыт. Сайабылыанньабын Госуслуги сайтка биэрэн истэхпинэ, эн оҕоҕор СНИЛС-ы булбата диэн сурук тахсан баран, ону кытта бүппүппүт. Бу күннэргэ МФЦ-га тиийэн быһаарсыбыт киһи... Саатар уоппут сотору-сотору барарын ааһан, сибээспит эмиэ мөлтөх. Баҕар онтон буолуо.

Мария Слепцова, Үөһэ Дьааҥы. Түөрт оҕолоохпун. Бары өйөбүлгэ хапсабын. Сайабылыанньабын биэрбитим.  Кыраларбар биэстии тыһыынча харчы түспүтэ. Аны уон тыһыынчабытын эрэнэ күүтэбит.

Зинаида Тистяхова, Таатта, элбэх оҕолоох ийэ. Биир бастакынан сайабылыанньа биэрэ сатаабытым да, “СНИЛС не найден” диэн сурук тахса турар этэ. Пенсионнайдарга эрийэн ыйыппыппар, ити сбой биэрэр диэн хоруйдаабыттара. Элбэх киһи киирэриттэн харар үһү. Инструкция бөҕө ыыталлар, интернет эрэ, бассаап эрэ хайдах сайабылыанньа биэрэр туһунан сүбэ-ама толору. Дьиҥэр буоллаҕына, ол туохтан харара, сайт үлэлиирэ сүрүннээн дьону долгутар буоллаҕа дии. Онтон инстаграмҥа биир олус бэрт сүбэни аахтым. «СНИЛС не найден” диэҥҥэ Госуслуги сайтка профильгын толороргор “Дети” диэн пууҥҥа оҕолоргун барыларын киллэрдэххинэ, автоматически барыларын туох баар докумуоннарын кытта кылыгыраччы таһаарар эбит. Онно бааныҥ нүөмэрин эрэ суруйан биэрэҕин».

Санатар буоллахха, Владимир Путин бу этиитин РФ Бырабыыталыстыбатыгар бигэргэппиттэр. Бу көмө дьаһалы үбүлээһиҥҥэ дойду бүддьүөтүттэн 200 млрд. солкуобай көрүллүбүт. РФ Үлэҕэ министиэристибэтэ барыллаан аахпытынан, дойду үрдүнэн бу төлөбүрү 22 мөл. оҕо ылыан сөп. Сайабылыанньаны ыам ыйын 12 күнүттэн ылаллар. 2020 сыл от ыйын 1 күнүгэр диэри үс сааһын туолбут уонна от ыйын 1 күнүгэр диэри 16 саастарын туола илик оҕолорго барыларыгар төлөнөр. Бу биир кэмнээх көмөнү төрөппүт алтынньыга диэри ылыан сөп.  

Маныаха ыспыраапка хомуйсар ирдэммэт, арай, интернеккэ киирэн биир кэлим судаарыстыбаннай өҥөлөр порталларыгар киирэн сайабылыанньа биэрэр наада диэн этиллэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ