Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Бу күннэргэ Саха сирин 50 эмчитигэр 3,5 мөл солк суумалаах страховой төлөбүрдэри оҥордулар. Санатан эттэххэ, бу үлэһиттэр коронавирус кэмигэр дьону быыһыы, эмтии сылдьан бэйэлэрэ кутталлаах ыарыыга сыстыбыттара.

Бу күннэргэ Саха сирин 50 эмчитигэр 3,5 мөл солк суумалаах страховой төлөбүрдэри оҥордулар. Санатан эттэххэ, бу үлэһиттэр коронавирус кэмигэр дьону быыһыы, эмтии сылдьан бэйэлэрэ кутталлаах ыарыыга сыстыбыттара.

Сокуонунан көрүллүбүт страховой төлөбүрдэри социальнай страхования пуондата толору кээмэйинэн оҥордо, – диэн соцстрах иһитиннэрэр.

Саха сирин доруобуйа харыстабылын министиэристибэтэ от ыйын 6 күнүнээҕи туругунан өрөспүүбүлүкэ иһигэр 68 эмчит идэлээх киһи коронавируска сыстыбытын туһунан биллэрбитэ.

– 13 эмчиккэ төлөбүр оҥоһуллуоҕа, өскөтүн кылаабынай быраас ыарыылара бэргээбитин туһунан ыспыраапка суруйдаҕына. Оттон 5 киһиэхэ төлөбүр оҥоһуллубата, тоҕо диэтэххэ ыарыыны чэпчэкитик аһардылар, – диэн доруобуйа харыстабылын министиэристибэтин пресс-сулууспатыгар кэпсээтилэр.

Санатан эттэххэ, ыам ыйын 6 күнүгэр медиссиинэ үлэһиттэригэр байыаннайдарга курдук эбии социальнай өйөбүллэри оҥоруу туһунан Арассыыйа Бэрэсидьиэнин ыйааҕа тахсыбыта.

Бу иннинэ, ыам ыйын 4 күнүгэр, дьокутаат Любовь Явловская доруобуйаҕа уонна тус олоххо кутталлаах үлэҕэ сылдьар мэдиссиинэ, фармацевтика уонна доруобуйа харыстабылын үлэһиттэригэр социальнай страхованияны оҥорууну уонна төлөбүрүн бэрээдэгин федеральнай таһымҥа туруорсар наадатын биллэрбитэ. Дьокутаат этиитин Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга кэмитиэтэ толору өйөөбүтэ.   

0cfdca3d664af5ab7ddae704c432876c

Любовь Явловская, норуот дьокутаата:

– Эмчиттэри страховкалааһын олус наадалаах боппуруос. Билигин эмчиттэр ыарыыны кытта охсуһууга инники күөҥҥэ сылдьаллар. Арассыыйаҕа коронавируһу кытта үлэлии сылдьан 5000 үрдүк таһымнаах эмчит суорума суолланна, ол иһигэр биллэр учуонайдар. Онон федеральнай таһымҥа страховкалааһынынан хабыллар мэдиссиинэ үлэһиттэрин араҥатын өссө кэҥэтиэххэ, страховой төлөбүр оҥоһуллар түгэннэрин өссө элбэтиэххэ наада, – диэн дьокутаат олус сөпкө туруорса сылдьар.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ