Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Ил Дархан Айсен Николаев элбэх оҕолоох дьиэ кэргэн статустаах ыал аҕатыгар дастабырыанньа биэрэр туһунан ыйаах таһаарда. Санатар буоллахха, бу иннинэ дастабырыанньаны уонна түөскэ иилинэр бэлиэни ийэлэргэ эрэ бэриллэрэ.

Ил Дархан Айсен Николаев элбэх оҕолоох дьиэ кэргэн статустаах ыал аҕатыгар дастабырыанньа биэрэр туһунан ыйаах таһаарда. Санатар буоллахха, бу иннинэ дастабырыанньаны уонна түөскэ иилинэр бэлиэни ийэлэргэ эрэ бэриллэрэ.

Докумуоҥҥа этиллэринэн, үс уонна онтон элбэх оҕолоох төрөппүттэргэ дастабырыанньаны уонна түөскэ иилинэр бэлиэни иккиэннэригэр бэриллиэхтээх. Төрөппүттэр ыал буолаллара сокуонунан бигэргэммит буолуохтаах. Элбэх оҕолоох ыал статуһун үс уонна онтон элбэх оҕолоох уонна оҕолоро 18 сааһын туола илик эбэтэр оҕолоро үөрэх кыһатыгар күнүскү өттүгэр үөрэнэр, аармыйаҕа сулууспалыы сылдьар буоллаҕына, 23 сааһыгар диэри ылаллар.

 Ил Түмэн дьиэ кэргэн уонна оҕо аймах дьыалаларыгар кэмитиэтин бэрэссэдээтэлэ Алена Атласова Ил Түмэн пресс-сулууспатыгар иһитиннэрбитинэн, тустаах кэмитиэт элбэх оҕолоох ыал статуһун туһунан сокуоҥҥа уларытыы киллэрэргэ күүскэ үлэлэспит. Ол түмүгэр үөрэх кыһатыгар үөрэнэр уонна аармыйаҕа сулууспалыыр оҕолоох ыаллар оҕолоро 23 сааһыгар диэри статус иҥэриигэ учуоттанар буолбуттара. 2019 сылга Ил Түмэн дьиэ кэргэн уонна оҕо аймах дьыалаларыгар кэмитиэтэ тэрийбит “төгүрүк остуолугар” аҕаҕа элбэх оҕолоох дьиэ кэргэн дастабырыанньатын биэрэр туһунан этии Өрөспүүбүлүкэ бырабыыталыстыбатыгар көрүүгэ ыытыллыбыт. 

“Оҕону иитии боппуруоһугар төрөппүттэр иккиэн кытталлар, оҕолоро этэҥҥэ улаатарыгар иккиэн эппиэтинэстээхтэр. Аҕа оруола маныаха дьоһун. Ол иһин дастабырыанньаны иккиэннэригэр биэрэн, аҕа оҕону иитиигэ суолтата улаатар”, -- диэн Алена Атласова эппит.

Ол курдук, ыал аҕата дастабырыанньаны ыларыгар олохтоох социальнай көмүскэл управлениетыгар сайабылыанньа суруйар эбэтэр электроннай ньыманан www.e-yakutia.ru. портал нөҥүө сайабылыанньа биэрэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ