СӨ үлэҕэ уонна социальнай сайдыыга министиэристибэтэ улуустарга бу бырагырааманан үлэ ыытарга өрөспүүбүлүкэ бүддьүөтүттэн кыттыгас үбүлээһиҥҥэ куонкурус биллэрбит. Инбэлииттэргэ уонна атын кэбэҕэстик сылдьар кыаҕа суох дьон социальнай, култуурунай эбийиэктэргэ уонна дьиэлэригэр киирэллэригэр-тахсалларыгар ыарахаттары көрсүбэттэрин хааччыйар үлэҕэ муниципальнай тэриллиилэргэ субсидия быһыытынан кыттыгас үбүлээһин оҥоһуллар. Биэс сыл иһигэр бу үлэлэргэ уопсайа 58 мөл. солк. көрүллүбүт. Кыттыгас үбүлээһиҥҥэ 19 улуус уонна куорат уокуруктара тиксибиттэр. Ордук Үөһээ Халыма, Горнай, Мэҥэ Хаҥалас, Нам, Ньурба, Таатта, Хаҥалас улуустарыгар уонна Жатай уокуругар көдьүүстээх үлэ ыытыллыбыт.
Санатар буоллахха бырагыраама 2012 сылтан үлэлиир, 2013-2018 сс. федеральнай бүддьүөттэн “Тоҕоостоох эйгэ” РФ бырагырааматынан кыттыгас үбүлэнэрэ. 2019 сылтан өрөспүүбүлүкэ бүддьүөтүттэн үбүлэнэр буолбута.
- 0
- 0
- 0
- 0
- 0
- 0