Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

Саха Өрөспүүбүлүкэтигэр 165 088 оҕо төрөппүтэ 10 тыһ. кээмэйдээх биир кэмнээх төлөбүрү туппут.

Саха Өрөспүүбүлүкэтигэр 165 088 оҕо төрөппүтэ 10 тыһ. кээмэйдээх биир кэмнээх төлөбүрү туппут.

РФ Биэнсийэҕэ пуондатын Саха сиринээҕи салаата иһитиннэрбитинэн, 10 тыһ. кээмэйдээх биир кэмнээх төлөбүрү 107 405 төрөппүт оҕолоругар ылбыт, уопсайа 165 088 оҕоҕо төлөммүт.

Төлөбүрү ыларга оҕо 6 сааһын 2021 сыл балаҕан ыйын 1 күнүгэр диэри, оттон 18 сааһын от ыйын 3 күнүн кэннэ туолбут буолуохтаах. Бу көмө харчы 23 диэри саастаах, доруобуйаларыгар хааччахтаах, үөрэх кыһаларыгар үөрэнэр эдэр дьоҥҥо эмиэ көрүллэр.

Үөрэнээччилэргэ төлөбүр туһунан сайабылыанньаны РФ Биэнсийэҕэ пуондатын олохтоох салаата сэтинньи 1 күнүгэр диэри тутар. 6 саастаах оҕо оскуолаҕа барбат да буоллаҕына, бу харчыны ылар бырааптаах.  

Үгүс төрөппүт судаарыстыба өҥөтүн "Госуслуги" порталга сайабылыанньа суруйан туһаммыт, төлөбүрүн ылбыт. Маны таһынан РФ Биэнсийэҕэ пуондатын Саха сиринээҕи салаатын килийиэннэри кытары  үлэлиир сулууспатыгар кэлэн  биэриэххэ эмиэ сөп.  Санатар буоллахха, сайабылыанньаны сэтинни 1 күнүгэр диэри суруйуохха сөп.

Дойду үрдүнэн 20 мөл. оҕо бу төлөбүрү ылыаҕа, онно 204 млрд солк. көрүллүбүт. 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ