Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Ытык Дьааҥы сиригэр Сылгыһыт Күнэ алгыһы түhэрииттэн саҕаланыаҕа

Мария Архипова хаартыскаҕа түhэриитэ. 2023 с. / ЯСИА/ Кэлэр ый саҕаланыытыгар ытык Дьааҥы сиригэр Аартыка эргимтэтигэр тыа хаhаайыстыбатын сайдыытын итиэннэ хоту сир тыйыс айылҕатыгар саха сылгытын үөрдээн иитиини сайыннарыы кэскилин торумнуур аҕыс улуус…
29.03.24 18:26

Уопсастыба

Сунтаартан “Алгыс” түмсүү ыалдьыттаата

Өлөөҥҥө Сунтаартан “Алгыс» диэн аҕам саастаах дьон ансаамбыла, 11 киһилээх дэлэгээссийэ ыалдьыттаан барда. Ыраахтан кэлбит ыалдьыттар бастаан “Алакуо” норуодунай этно-фольклор ансаамбыл кыттыылаахтарын кытары көрүстүлэр. Күн иккис аҥаарыгар ыалдьыттар…
29.03.24 18:50

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Бэс ыйын 21 күнэ – “Эмчит күнэ”. Саха сирин Ил Дархана үрүҥ халааттаах аанньаллары идэлээх бырааһынньыктарынан эҕэрдэлээтэ.

Бэс ыйын 21 күнэ – “Эмчит күнэ”. Саха сирин Ил Дархана үрүҥ халааттаах аанньаллары идэлээх бырааһынньыктарынан эҕэрдэлээтэ.

“Ытыктабыллаах мэдиссиинэ үлэһиттэрэ! Күндү доруобуйа харыстабылын бэтэрээннэрэ! Өрөспүүбүлүкэ салалтатын уонна тус бэйэм ааппыттан эһигини идэлээх бырааһынньыккытынан ис сүрэхпиттэн сүгүрүйэн туран эҕэрдэлиибин!

Коронавирус дьаҥа аан дойду үрдүнэн тарҕанан, нэһилиэнньэ доруобуйата харысхаллаах буолуутугар, эмчит идэтэ уһулуччу суолталааҕын көрдөрдө.

Эһиги, Гиппократ андаҕарыгар бэриниилээх буолаҥҥыт, бу уустук кэм сүрүн охсуутун бэйэҕитигэр ылынныгыт. Күн аайы үгүс киһи олоҕун, сырдык тыынын иһин охсуһаҕыт, туруулаһаҕыт. Биһиги өрөспүүбүлүкэбитигэр сүүрбэ тыһыынча кэриҥэ эмчит идэлээх баар. Олортон 7779 киһи быһаччы кутталлаах дьаҥы кытта охсуһар. Эһиги үлэҕит уустук уонна олус эппиэтинэстээх, дириҥ билиини-көрүүнү, уопуту, сатабылы, киэҥ көҕүстээх буолууну эрэйэр. Үксүгэр үрүҥ халааттаах аанньаллар ыарыһахха үтүө, амарах сыһыаннара ханнык да эмтээҕэр үчүгэйдик, эмтиирдии дьайаллар.  

Бүгүҥҥү бэлиэ күҥҥэ, эһиги үтүө суобастаах уонна бэриниилээх үлэҕит түмүгэр, өрөспүүбүлүкэҕэ киһи олорор орто сааһа 73 сылга тэҥнэспитин тоһоҕолоон бэлиэтиэхпин баҕарабын. Бу – Уһук Илиҥҥи федеральнай уокурукка саамай үрдүк көрдөрүүнэн буолар.

Күндү эмчиттэр, мэдиссиинэ үлэһиттэрэ! Номнуо хаһыс да ыйын дьиэҕититтэн-уоккутуттан тэйэн, коронавируһунан ыалдьыбыт дьону кытта быһаччы үлэ инники кирбиитигэр сылдьаҕыт. Эһиги сыралаах үлэҕит түмүгэр өрөспүүбүлүкэ сүүһүнэн олохтооҕо кутталлаах ыарыттан хайыы үйэ үтүөрдэ. Өрөспүүбүлүкэ салалтатын аатыттан өссө төгүл дьон олоҕун быыһыыр туһугар үтүө суобастаах үлэҕит, үрдүк идэтийиигит иһин дириҥ уонна истиҥ махталбын тиэрдэбин. Барыбыт сомоҕо күүһүнэн коронавируһу кыайыахпыт уонна олохпут урукку сүнньүгэр түһүө диэн эрэнэбин. Баҕарабын тус бэйэҕитигэр уонна чугас дьоҥҥутугар чэгиэн доруобуйаны, дьолу-соргу, байылыат олоҕу!” – диэн Айсен Николаев өрөспүүбүлүкэ бары эмчиттэрин эҕэрдэлээтэ.

61ee22ea32df10a23c07178a7c5cbd4b

Былырыыҥҥыттан “Доруобуйа харыстабыла” уонна “Демография” диэн национальнай бырайыактар чэрчилэринэн эрэгийиэннээҕи бырайыактар олоххо киирэн саҕалаатылар. Ол түмүгэр өрөспүүбүлүкэ эмчиттэрэ үрдүк таһымнаах мэдиссиинэ өҥөлөрүн оҥорор кыахтара эбилиннэ. 2019 сыл түмүгүнэн 7 тыһыынча кэриҥэ Саха сирин олохтооҕо үрдүк таһымнаах көмөнөн туһаммыта. 

Эмчиттэр аан бастакытын быарга химиоэмболизация оҥорбуттара, ол аата быар искэҥэр быһаччы химиялаах эмтэринэн дьайбыттара. Ону сэргэ “дерматология”, “пульмонология”, “ревматология” хайысхаларыгар генно-инженернай эмтээһини киллэрбиттэрэ. Быйыл эмиэ аан бастакытын аритмия ыарыыныы тымныынан дьайан эмтээтилэр. Өрөспүүбүлүкэ бырабыытылыстыбата үрдүк таһымнаах идэтийбит эмчиттэри үөрэтиигэ, бэлэмнээһиҥҥэ, эмчит идэтин престиһын үрдэтиигэ ураты болҕомтотун уурар. Ол түмүгэр Саха сиригэр доруобуйа харыстабылын үлэһиттэрин хамнастара биллэ үрдээтэ, эбии социальнай өйөбүллэр ананар буоллулар. Ол курдук, дьиэ куортамын толуйар, “Земскэй быраас” уонна “Земскэй фельдшер” диэн бырагыраамаларынан – 2 уонна 1 мөлүйүөн солк биэриллэр буоллулар. Маннык киэҥ хабааннаах үлэ өрөспүүбүлүкэ эмчиттэрин олохторун-дьаһахтарын уонна үлэлиир усулуобуйаларын тупсарарга улахан төһүү күүс буолар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением