Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Уопсастыба

Табахтааһыны хааччахтыыр сокуон барыла киирдэ

Ил Түмэҥҥэ кулун тутар 26 күнүгэр «Саха Өрөспүүбүлүкэтин сиригэр-уотугар тустаах уопсастыбаннай сирдэргэ табаҕы, никотиннаах бородууксуйаны тардыыга эбии хааччаҕы олохтуур туһунан» сокуон барыла киллэрилиннэ. Сокуон барыла түөрт ыстатыйалаах, онтон бииригэр…
29.03.24 10:35

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Ытыктабыллаах Саха сирин олохтоохторо!

Саха Өрөспүүбүлүкэтин Ил Түмэнин уонна тус бэйэм ааппыттан Норуот сомоҕолоһуутун күнүнэн истиҥник эҕэрдэлиибин.

Бу судаарыстыба таһымнаах үөрүүлээх бырааһынньык 1612 сыллаахха Кузьма Минин уонна Дмитрий Пожарскай салалталаах норуот сэриитэ Москва куораты Польша халабырдьыттарыттан босхолообут бэлиэ дьайыытыгар кэриэстэбил быһыытынан 2004 сыллаахха  олохтоммута.

Ытыктабыллаах Саха сирин олохтоохторо!

Саха Өрөспүүбүлүкэтин Ил Түмэнин уонна тус бэйэм ааппыттан Норуот сомоҕолоһуутун күнүнэн истиҥник эҕэрдэлиибин.

Бу судаарыстыба таһымнаах үөрүүлээх бырааһынньык 1612 сыллаахха Кузьма Минин уонна Дмитрий Пожарскай салалталаах норуот сэриитэ Москва куораты Польша халабырдьыттарыттан босхолообут бэлиэ дьайыытыгар кэриэстэбил быһыытынан 2004 сыллаахха  олохтоммута.

Арассыыйа Федерациятын саҥардыллыбыт Төрүт сокуонун аан тылыгар «Биһиги, бэйэбит төрүт сирбитигэр биир дьылҕаҕа холбоспут Арассыыйа Федерациятын элбэх омуктаах норуота, устуоруйаттан да көстөрүнэн судаарыстыба быһыытынан биир сомоҕо буолууну харыстаан, <…> Аҕа дойдуга тапталы уонна ытыктабылы, үтүө быһыыга уонна сиэрдээх буолууга итэҕэли иҥэрэн хаалларбыт өбүгэлэрбит сырдык кэриэстэрин ытыктаан…» диэн сурулла сылдьар. Бу тылларга биһиги элбэх омуктаах Арассыыйа норуота биир сомоҕо буоларбыт, Аҕа дойдубутугар уостубат-уҕараабат тапталбыт, дьоһун устуоруйабытыгар уонна өбүгэлэрбит үтүө үгэстэригэр дириҥ ытыктабылбыт туһунан этиллэр.

Норуоттар сомоҕолоһуулара уонна доҕордоһуулара биһиги судаарыстыбабыт бигэ туругун уонна сайдар кэскилин төрүтэ буолар. Арассыыйа Федерациятыгар 160-тан тахса араас омук олорор. Саха Өрөспүүбүлүкэтин судаарыстыбаннай дьаралыгар ойууламмыт кырыыламмыт алмаас ромб быһыылаах сэттэ курустаала Сахабыт сиригэр түҥ былыргыттан олохсуйбут төрүт омуктары: сахалары, нууччалары, эбэҥкилэри, эбээннэри, чукчалары, долганнары, юкагирдары көрдөрөр. Билигин Саха Өрөспүүбүлүкэтин алаһа дьиэ оҥостон 120-тэн тахса араас омук олорор уонна 4 итэҕэл тутуһуллар.

Кэлиҥҥи сылларга судаарыстыбаннай бэлиитикэ, ол иһигэр «Судаарыстыбаннай национальнай бэлиитикэни олоххо киллэрии» федеральнай тосхол чэрчитинэн уопсастыба өйө-санаата үтүө өттүгэр уларыйда, мөкү сыһыан сорох өттө туоратылынна. Ааспыт сылга Саха Өрөспүүбүлүкэтин Ил Дарханын Ыйааҕынан «2020–2024 сылларга Саха Өрөспүүбүлүкэтин Аартыкатааҕы зонатын уонна Саха Өрөспүүбүлүкэтин хотугу төрүт олохтоох аҕыйах ахсааннаах норуоттарын сайыннарыы» Саха Өрөспүүбүлүкэтин судаарыстыбаннай тосхоло ылыныллан турар. Хотугу төрүт олохтоох аҕыйах ахсааннаах норуоттары өйүүр туһунан Саха парламенын этиилэрэ федеральнай таһымҥа өйөбүлү ылбыттара биһирэбиллээх. Ол чэрчитинэн Арассыыйа Федерациятын Аартыкатааҕы зонатын сир баайын туһанааччы-хампаанньалара төрүт олохтоох аҕыйах ахсааннаах норуоттары кытта кинилэр үгэс быһыытынан олорор уонна хаһаайыстыба үлэтинэн дьарыктанар сирдэригэр хардарыта дьайсан үлэлээһиннэрин тэрийиигэ эппиэтинэстээх буолуу сүнньэ ылыныллыахтаах. Ону тэҥэ тыллары өйөөһүҥҥэ уонна сайыннарыыга үп-харчы көрүллэр.

Этэллэр эбээт, норуоттар доҕордоһуулара күн сардаҥатын тэҥэ сыдьаайар диэн. Норуоттар биир сомоҕо буолуулара ханнык да силлиэтээҕэр, сырдык күн сылааһынааҕар күүстээх! Эһигини Норуоттар сомоҕолоһууларын күнүнэн өссө төгүл итиитик-истиҥник эҕэрдэлиибин!

Бука барыгытыгар чэгиэн-чэбдик доруобуйаны, или-эйэни, сарсыҥҥы күҥҥэ эрэли, дьолу-соргуну уонна этэҥҥэ буолууну баҕарабын.

СӨ Ил Түмэнин Бэрэссэдээтэлэ П.В.Гоголев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением