Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Уопсастыба

Табахтааһыны хааччахтыыр сокуон барыла киирдэ

Ил Түмэҥҥэ кулун тутар 26 күнүгэр «Саха Өрөспүүбүлүкэтин сиригэр-уотугар тустаах уопсастыбаннай сирдэргэ табаҕы, никотиннаах бородууксуйаны тардыыга эбии хааччаҕы олохтуур туһунан» сокуон барыла киллэрилиннэ. Сокуон барыла түөрт ыстатыйалаах, онтон бииригэр…
29.03.24 10:35

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Саха Өрөспүүбүлүкэтин Ил Түмэн Судаарыстыбаннай Мунньаҕын урбааҥҥа, туризмҥа уонна инфраструктура сайдыытыгар сис кэмитиэтин бэрэссэдээтэлэ Игорь Григорьев Саха сирин гражданскай авиациятын үлэһиттэрин уонна бэтэрээннэрин идэлээх бырааһынньыктарынан – Арассыыйа гражданскай авиациятын күнүнэн – ис дууһатыттан эҕэрдэлээтэ.  

Саха Өрөспүүбүлүкэтин Ил Түмэн Судаарыстыбаннай Мунньаҕын урбааҥҥа, туризмҥа уонна инфраструктура сайдыытыгар сис кэмитиэтин бэрэссэдээтэлэ Игорь Григорьев Саха сирин гражданскай авиациятын үлэһиттэрин уонна бэтэрээннэрин идэлээх бырааһынньыктарынан – Арассыыйа гражданскай авиациятын күнүнэн – ис дууһатыттан эҕэрдэлээтэ.  

Күндү авиация үлэһиттэрэ, бэтэрээннэрэ, Эһигини барыгытын идэлээх бырааһынньыккытынан – Арассыыйа гражданскай авиациятын күнүнэн – ис дууһабыттан итиитик-истиҥник эҕэрдэлиибин!

Гражданскай авиация урут даҕаны, билигин даҕаны Арассыыйа Федерациятын тырааныспарын систиэмэтин биир уһулуччу суолталаах хайысхата. Күн бүгүн бу уустук салааҕа салгын аалларын араас көрүҥнэрэ, аэропорт ситимнэрэ, үөрэх уонна билим тэрилтэлэрэ киирэллэр. Ону таһынан өрөмүөннүүр тэрилтэлэр, салгын айанын хонтуруоллуур систиэмэлэр, араас структуралар гражданскай авиация үлэтин-хамнаһын күннэтэ хааччыйаллар.

Бүгүҥҥү бырааһынньык Арассыыйа бары лүөччүктэригэр, бортпроводниктарыгар, тэхиньиичэскэй үлэһиттэригэр, сирдээҕи сулууспаларыгар ананар. Кинилэр сыралаах үлэлэрин түмүгэр күнүн аайы сүүһүнэн сөмөлүөттэр мэҥэ халлааҥҥа дьулуһаллар.

1923 сыл бу күнүгэр Арассыыйаҕа салгын флота төрүттэммитэ. Бу флот хара бастакыттан айанньыттары, почтаны уонна таһаҕаһы таһыы курдук үрдүк соругу ылбыта. Ол курдук, 1923 сыллаахха олунньу 9 күнүгэр ССРС Үлэҕэ уонна Оборонаҕа Сэбиэтэ “Гражданскай авиация Сэбиэтин тэрийии туһунан” уурааҕа тахсыбыта.

Аан бастакы салгын сырыыта “Москва – Нижнэй Новгород” хайысхатынан олохтоммута. Оччолорго бу айан 420 км усталааҕа.

Бүгүҥҥү авиация – аныгы киһи олоҕун быстыспат сорҕото. Судаарыстыба олоҕун бары салаалара: атыы-эргиэн, тутуу, бырамыысыланнас, социальнай эйгэ уо.д.а. хайысхалар авиация көмөтө суох сатамматтар. Кинилэр көдьүүстээх, эрэллээх уонна тохтоло суох үлэлэрин бүтүннүү авиация хааччыйар.

Күндү авиация үлэһиттэрэ, Эһиги сыралаах уонна эппиэтинэстээх үлэҕит дьоҥҥо-сэргэҕэ мэлдьи ытыктабыллаах уонна наадалаах буоларыгар туох да саарбахтааһын суох.

Авиация салаата салгыы сайда, оттон Эһиги үлэҕит мэлдьи үрдүктүк сыаналана турарыгар баҕарабын.

Авиация салаатын үлэһиттэригэр барыларыгар ис дууһабыттан чэгиэн доруобуйаны, байылыат олоҕу, дьолу-соргуну, ыраас халлааны уонна сиргэ сымнаҕас түһүүнү баҕарабын! Үлэҕит-хамнаскыт мэлдьи ситиһии аргыстаах буоллун! Харыстана сылдьыҥ!  

        

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением